陀地燒 (已結業)

中環做完嘢，想食埋先返屋企。見到有串燒，而且都多人食IG同OPENRICE都推介就入去試下。串燒好多款揀，$8起，但一叫要叫2串，有啲想食既款式更加要4串起。咁我地2個人。其實食唔到咁多。變成款式又唔可以叫咁多啦。上菜好快手，有啲串燒熱辣辣，有啲就上到黎已經凍左。所以建議大家叫左小小，一路加單就好。一次叫晒，張枱放唔落。推介燒茄子，冷盤滕椒魚皮，雞爽肉，燒芋頭，韭菜，羊肉，豬頸肉，秋葵，土豆。啤酒買一送一，好抵飲。