同撈同煲 (堅拿道西)

營業中

休息中

約咗朋友放工去打邊爐，環境充滿香港懷舊特色，包括霓虹燈牌、紙皮石地板等等，仲會播放懷舊金曲，營造香港八九十年代的氣氛，幾特別。花雕醉雞美人鍋火鍋湯一到，店員就建議我哋先飲湯，湯底味道幾重藥材味，酒味溫和，同藥材協調得幾好，感覺幾滋補，另外有半隻雞，雞肉處理得幾乾淨，放落湯底煮一陣就食得，雞肉都幾滑，雞皮有彈性，味道幾鮮。極級封門柳封門柳啱晒打邊爐，肉味濃而且脂肪唔多，放入火鍋裏面淥一淥就已經食得，入口滑溜。桂花蚌桂花蚌食落新鮮，嫩口同爽脆鴛鴦滑我哋揀咗蟹籽蝦滑、黑松露墨魚滑，蝦滑爽口彈牙，加上蟹籽索索聲口感更豐富，幾鮮味。黑松露墨魚滑同樣爽口彈牙，食到淡淡嘅黑松露味，味道都幾夾。即炸響鈴一上枱熱辣辣，好大條，脆卜卜，好香口，另外仲有甜酸汁俾我哋點，食落唔會好油膩。另一種食法，放落火鍋，浸幾秒，口感外軟內脆，好索湯汁，都唔錯。炸芋頭份量都幾多，外皮幾脆，入口軟糯帶甜，芋味濃。蜂巢豆腐豆味幾香，吸收哂啲湯汁，好正杞子圓肉桂花蜜係餐廳自家製，清甜滋潤，打邊爐啱飲糖不甩好得意嘅鯉魚造型，店員會先比客人打卡，之後放到原先打邊爐嘅湯底裏面煮一陣，之後剪成細細舊，沾上花生碎、芝麻同椰絲等，口感煙韌，