花貝日本料理 (已結業)

日本宮崎蕃茄 配柚子汁非常清新既前菜，新鮮既日本蕃茄，帶有清新既茄香味，咬落非常juicy, 加上柚子汁既酸甜味，後勁慢慢帶出甘甜味，非常開胃。雜錦刺身有好多款不同高質既魚生，有加拿大海膽，章目魚生，深海池魚，赤貝，吞拿魚腩，牡丹蝦，帶子等等。赤貝可以說係數一數二既質素，貝身爽口，味道鮮甜。帶子及牡丹蝦，用了小小既檸檬汁，每啖都有唔同層次既味道衝擊，一d都唔腥，首先清新既魚鮮味慢慢帶出小小既鮮甜味。大吞拿魚腩入口即溶，油脂感豐富。整盆刺身都非常滿意。熟食熟食料理有點到清酒煮蜆，串燒類有叫到燒白鱔，牛舌和雞中翼。清酒煮蜆既配料加左京蔥 ，令酒湯更香濃，蜆味唔會好腥而且更加鮮甜。白鱔串燒燒到外皮香脆，肉身內嫰，啖啖香口配上新鮮雞蛋，嫩滑口感。牛舌都好高級，煙靭度剛好，肉質扎實，油香肉汁豐富。雞中翼都燒到皮帶小小濃邊，內裏肉身鮮嫩。前菜魚生熟食都非常出色，味道都係極致，可以係我食過數一數二既香港日本料理店，建議一嘗。