港原味 (已搬遷) 新店位置

放工唔想煮飯多數落來呢度食，因為呢度啲小菜款式多，分門別類的一整頁豬一整頁牛一整頁雞，平均每個禮拜都有一晚嚟食。呢度小菜套餐算抵食，主菜另包熱飲和白飯，通常我哋都會加八蚊配埋靚湯。今日個靚湯係煲老黃瓜，足料又夠晒下火。而且好鍾意呢度個白飯夠晒大碗，成個小山丘咁㗎🤣男人咁先夠飽。支竹豆腐炆火腩 $78我同老公都好鍾意食呢個男人的浪漫😆呢度啲火腩炆得好淋好入味，肉質keep到嫩口，一啲都唔鞋，鹹鹹地送飯一流！鹹鹹地嘅火腩同淡淡然嘅豆腐一向襯到絕！土魷蒸肉餅 $78一上枱已經聞到土魷香味，仲有成吋厚嘅肉餅，真係未食都流晒口水！加咗少少酒仲可以提升返肉嘅鮮味，分量超多嘅肉餅真係齋食佢都夠飽啊👍