辻利茶舗 (已結業)

差不多每間日本過江龍嘅抹茶雪糕店我都會去幫襯，呢間喺日本特別係京都好出名嘅當然都唔例外，初初開喺IFC已經超想試，咁啱某日行過APM見佢開咗，即刻買杯試下。鐘意食抹茶甜品嘅我一定係買最濃嘅口味，唔係間間抹茶店都有分濃度，於是我就買咗2.0嗰款，本來想試mix版，但店主話要2.0嘅就只可以揀純抹茶味。如我預料，真係好夠抹茶味，對唔係超鐘意抹茶嘅人嚟講可能過濃，但對我嚟講就啱啱好，再加埋個脆筒，中和一下抹茶嘅濃度，真係好好味 !仲有卡位提供，但如果多啲位就更好，唔洗等咁耐。