博多拉麵別天神 (已結業)

已經數唔清第幾次嚟別天神喇！每次到銅鑼灣想食拉麵都會諗起佢，呢日偷得半日閒，當然又要拜訪下啦！今次過嚟已經2點，佢哋3點落場，所以我都快快手落單。其實每次嚟都係食一樣嘅嘢，所以都唔使諗叫咗蝦味噌套餐，次次明知自己未必食得哂都會叫呢個餐，因為佢嘅龍蝦沙律太太太好味喇！其實可以單點，不過叫餐當然抵食啲啦！呢個蝦味噌拉麵太好味，次次都想飲哂啲湯！好多櫻花蝦，好香，湯底絕對濃郁，半熟蛋味道剛剛好，加埋任加嘅芝蔴，人間美食啊～～～好嘅餐廳唔一定要有好多選擇，做好幾款拿手嘅菜式就已經足夠！我一定會繼續支持