鼎王麻辣鍋 (金巴利道) (已結業)

鼎王一向都係我幾鍾意食嘅火鍋店，openrice都有折扣優惠，諗唔到喺尖沙咀食咩，見到又有優惠都係一個唔錯嘅選擇。湯底有麻辣、酸菜白肉或者鴛鴦。如果係麻辣嘅話就係豆腐同埋鴨血任食，如果係酸菜白肉就會係酸菜任食，我比較鍾意食佢個麻辣火鍋，鴨血同豆腐有佢獨特嘅藥材味，勁入味勁好食，真係食鴨血都食飽。不得不說，佢啲嘢食好精緻，擺得好靚，而且啲食材又乾淨好新鮮，好似點左個鱔勁爽，一啲腥味都冇。安格斯牛肉又大份又抵食。扣埋優惠後，最低消費必須人頭$200 ，但係呢餐買單都係兩個加埋四百幾蚊、五百蚊有找，我覺得好抵食。同埋佢呢間舖頭嘅服務真係好好經常主動幫你加鴨血，同埋收碟。