烤魚工房 (南天大厦) (已搬遷) 新店位置

平日都會返深圳, 係深圳食烤魚, 水煮魚丫個D~ 但係唔知點解香港係好少見哩類型既餐廳, 可能香港人唔太仲意食淡水魚啦~ 但係朋友介紹我, 係元朗教育路有一間食烤魚,重慶燒, 新開叫"烤魚工房" 佢話佢個度D烤魚同重慶燒都幾好食, 所以今晚約埋朋友一齊去試下... 開心開心~ 去到環境真係好唔錯, 好時尚, 一D都唔似食中式野既地方, 卡位好濶, 坐得好舒服~~ 我地點咗一個必食江團魚毛血旺麻辣味烤魚$298, 間單時加配菜平D~ 每款$16, 後加就$20, 我地加咗火鍋寬粉, 凍豆腐, 我地再叫咗一堆重慶燒, 有燒蠔, 燒扇貝, 燒魷魚, 燒羊肉串,.... 價錢由26-68蚊不等~ 尚叫低食~ (烤魚開頭覺得有D貴, 上枱原來洗面盤咁大碗, 足夠4人食) 因為有朋友唔食得太辣我地點咗小辣, 未食聞到已經流哂口水~ 魚好滑, 但肉質好實淨好新鮮~ 開始後悔頭先點咗咁多野~ 有D驚食唔哂~ 但個湯麻辣好惹味, 面頭D花椒好正~ 好好味~ 而重慶燒, 羊肉串同燒牛舌係必食推介, 仲有要提提記得飲佢地個沙冰~ 好大杯好扺飲架~ 一杯可以由頭飲到尾~ 好辣既朋友必定要試既餐廳~~ 全給滿分