隠家拉麵工場 (已結業)

「小隱隱於郊，大隱隱於市。」用嚟形容呢間隱家拉麵店最適合不過了。呢度可以話係香港沾麵第一代始祖。本身係佢嘅fans,每次嚟深水埗都會朝聖一番。🎏裝潢：好有日本小巷麵檔風味，簡單但親切。俾你心里踏實嘅感覺。🤗🎰自動售賣機：門口設置自動售賣機，自己揀麵嘅款式、份量、湯底等，非常方便。點完菜、坐低就可以等食🤩嗌咗最鍾意嘅隱世白伝（豬骨味），其他味有🌶隱世赤伝（辛辣味）同🧄隱世黑伝（黑蒜味）。🍜麵條：A)有粗麵 Vs有幼麵B)份量:可以楝200g, 400g 同埋800gC) 溫度：冷 vs 暖LadyB 揀粗麵，貪佢有嚼口，又可以掛多啲醬汁；冷麵，有冰火交融嘅享受😎份量方面，因人而異。因為好好食，200g 會覺得唔夠喉，800g食完個肚會好撐，所以揀咗中庸之道嘅400g。濃厚沾麵醬汁熱辣辣，啱晒呢種凍天氣🤩。食完面之後，唔好唔記得加返清湯落啲醬汁度飲，咁樣可以容易啲品嚐到醬汁入面各成份嘅美味，更為呢個食麵體驗劃上完美句號。