齋啡 (已結業)

香港為數不多的純素餐廳 - 齋啡尖沙嘴俾人感覺就係個個都好趕好忙, 但呢日CK就意外發現一間環境幽雅寧靜, 以一種舒適感木系色調去設計既餐廳 -  齋啡。唔好睇間餐廳開係馬路邊就一定好嘈, 其實經過呢度既車唔算好密好多, 係度食野真係一種享受黎 ! 客人要食野, 首先要係兩間地鋪其中一間度購買食物先, 侍應會俾飛你, 因為煮食需時, CK就建議大家先返回一間有坐位既地鋪坐低等, 留意住左上方螢幕, 當顯示到飛仔號碼就可以去取餐啦~ ! 簡單講下我地叫左咩野食啦 : 素芝士植物豬柳墨西哥卷配沙津及番薯脆條, 植物豬柳主要成份為大豆, 質感同真豬肉非常相似。加上獨特既調味同純素沙律醬, 酸酸的柚子清新, 醬料少辣提升植物豬肉鮮味, 幾可亂真非常神奇 ! 全日早餐, BAKED EGG就成日見啦, 但比較少見係火龍果 ! 仲有大啡菇配純素芝士、番茄、青瓜、甘筍、羽衣甘藍和生菜, 加上純素他他汁, 賣相吸引食落清爽 ! 飲品果方面就唔覺有咩特別就唔特別推介了, 如果一餐飯既價錢可以係一個咁CHILL既地方RELAX下, 打下卡, 真係唔錯既選擇 ! 齋啡地址 : 尖沙咀柯士甸道154-156號