飯意冰室 (已結業)

今日同朋友學完瑜伽，個肚特別餓，所以喺附近睇吓有乜好嘢食。行吓行吓見到黎間茶餐廳個門面好似唔錯，所以我哋就入左去試吓。下午茶由晏晝兩點至六點，最平嘅$17已經可以搞掂，最尾我哋一行幾個人都叫左個麵食下。餐蛋麵水準都係咁上下，煎雞蛋半生熟唔錯，湯底係類似豬骨湯底唔似平時出前一丁嘅麻油湯。而個香辣雞翼芝士辛辣麵比餐蛋麵簡直係天同地比，首先雞翼十分入味，辛辣麵加上芝士簡直係完美嘅配搭，所以建議各位朋友如果想食麵都係食返個辛辣麵會比較推薦。