沙田友．丸記清湯腩王

營業中

休息中

最近比較多去沙田果邊去食野，今次就去到石門呢邊度食lunch，經過見到佢招牌都幾搶眼，而且都好多人排隊下，裝修係比較新派港式冰室設計，以綠色為主調，牆上面仲有幾靚既香港美食手繪圖、霓虹燈、屯馬線燈箱、麻雀枱設計既餐枱。 🟠 芝士撻 & 斑蘭撻 佢地既半熟芝士撻一咬啲芝士流晒出黎，而且芝士味都算濃幾香！而斑蘭蛋撻反而都幾有驚喜，係酥皮底，夠晒鬆化，而且有淡淡既斑蘭香味幾特別！原來斑蘭撻每日只售100隻，先到先得，好彩食得切！ 🟡 海南雞飯 雞肉嫩滑，而且好貼心咁去埋骨，溝埋佢啲醬黎食，真係食極都唔厭呀！ 🟤 XO醬滑蛋蔥花叉燒飯其實我地係見到隔離枱既叔叔食得好滋味，賣相又靚，所以叫。滑蛋真係滑蛋，夠晒滑，而且滿滿咁鋪係個飯上面真係未食都流晒口水，上面加埋XO醬更香更惹味！