北口韓國地道小食 (已結業)

又同男朋友周圍去搵野食, 尖沙咀梗係食韓國野, 於是去左一間小店!入面地方小小, 但係6點幾去都已經去滿, 適合人食下小食傾下計!見好見人都係食小食為主... 我地2個人坐低見食物都唔算太貴就點左以下的野紫菜飯卷, 有點失望, 因為太細舊而且得好少。咁就收$28蚊所以感覺唔係太抵, 麻油味又冇~諗住呢個食完可以long一long個胃不過唔得囉 哈哈第一次食紫菜粉絲卷, 呢個又幾特別。紫菜包住粉絲, 點下個酸汁, 作小食都唔錯! 都係好少見其他店有呢個小食試, 都OK ge。不過如果唔鍾意油炸食物就唔好叫, 因為我覺得有少少油。其實唔係好明點解男朋友要叫呢個 (韓國鋪叫呢個好似有D.... 不過佢話好餓所以算啦)個飯份量雖然少, 不過個魚炸得好好食, 即炸冇咩雪味,個漿唔太厚, 而且魚的份量好多, 加埋沙律醬又有少少驚喜呢個飯我覺得似日式感覺多呢個都係普通, 汁都係甜甜地。份量都唔算太多, 年糕有少少硬, 又唔算好入味。所以都係不過不失!