豪園麵家 (已結業)

中式菜館，始終岩中國人口味d。黎到代表住獅子山精神既豪園，有室外同室內位揀，特別心情好同滿足！見今晚溫度ok，不熱不冷，不如就坐出室外享受氣氛！叫左個西多士，入面有埋茶餐廳多數都有既花生醬，其實本人就嘛嘛花生醬既，覺得冇都吾緊要，好似吾加仲香d添！熱辣辣加埋任落糖漿先夠爽，多糖漿先好食咖！正！仲有淨鳳城水餃，這是母親的最愛。湯底好飲有水準，好夠味，突出到水餃的香味。而咖哩魷魚就略嫌咖哩味吾突出同吾夠特色傳統。咖哩魷魚都算係街邊特色小食，但佢個咖哩太稠，咖哩味亦吾出，吾似咖哩應有的惹味感，加番d咖哩香，就更加好。份量而言，都算幾多。枝竹豆腐班腩飯，吾止食豆腐火腩飯先浪漫既，豆腐班腩都得！呢個都算係香港熱門小菜之一。我中意佢d枝竹夠哂煲仔既鑊氣所以夠哂煙韌！正！豆腐切得細細，一啖一口剛剛好。班腩配料配菜都算多，夠哂食。再整個主食，瑤柱帶子蛋白炒飯，瑤柱帶子算係足料了！比其他餐廳好好多了，份量又夠，清新炒飯，配埋其他小菜就剛好完滿。如果有埋糖水就好了不過只有公眾假同六、日了。豪園的調味不算太重，岩和家人老幼大小一齊食的窩心健康之選，天倫之樂就是如此簡單！