影片
更多
2021-06-30
37 瀏覽
約朋友去上環下午茶，在地鐵站附近找到這間休閒風咖啡店，環境舒服寫意，食物有質素，最驚喜仲係有得意立體拉花咖啡，最適合相機食先的我和你。由上環A2出口行過去只要一分鐘左右，交通超方便，不用行斜路上山，寶寶表示高興。咖啡店面積不大，坐滿都只係二十人左右。這天下午茶時間來比較易搵位，亦可以坐耐一點。除了喝咖啡，店內也有賣酒，所以有蠻大的酒櫃。裝修有少少外國酒館風情，氣氛好chill，好適合傾偈。最入面的牆上有世界地圖。最有趣係座位後面有好多 Ironman 的模形公仔，店主一定係鋼鐵人粉絲。這個 Q版鋼鐵人仲開cafe添！餐點以西餐為主，第一版有好多人鍾意的全日早餐，亦有更飽肚的意粉意大利飯，跟朋友分享都有多款小食揀，當然仲有重量級主食。全日早餐、意粉和意大利飯都有方便素食選擇，店員亦會問清楚是否吃五辛，幾貼心。最吸引我當然係這個立體拉花咖啡，仲可以自選動物造型呢。當然仲有更多飲品選擇啦，都幾適合約朋友來飲野喎。3D Cappuccino HK$70立體拉花飲品可以揀朱古力或咖啡底，公仔又可以揀貓、狗或熊仔，我會貪心咁問可唔可以整 Ryan 襯返我個指甲，結果唔知點解得到 Viu TV，都係
約朋友去上環下午茶，在地鐵站附近找到這間休閒風咖啡店，環境舒服寫意，食物有質素，最驚喜仲係有得意立體拉花咖啡，最適合相機食先的我和你。
由上環A2出口行過去只要一分鐘左右，交通超方便，不用行斜路上山，寶寶表示高興。
咖啡店面積不大，坐滿都只係二十人左右。這天下午茶時間來比較易搵位，亦可以坐耐一點。
除了喝咖啡，店內也有賣酒，所以有蠻大的酒櫃。
裝修有少少外國酒館風情，氣氛好chill，好適合傾偈。
最入面的牆上有世界地圖。
最有趣係座位後面有好多 Ironman 的模形公仔，店主一定係鋼鐵人粉絲。
這個 Q版鋼鐵人仲開cafe添！
餐點以西餐為主，第一版有好多人鍾意的全日早餐，亦有更飽肚的意粉意大利飯，跟朋友分享都有多款小食揀，當然仲有重量級主食。全日早餐、意粉和意大利飯都有方便素食選擇，店員亦會問清楚是否吃五辛，幾貼心。
最吸引我當然係這個立體拉花咖啡，仲可以自選動物造型呢。
當然仲有更多飲品選擇啦，都幾適合約朋友來飲野喎。
3D Cappuccino HK$70
立體拉花飲品可以揀朱古力或咖啡底，公仔又可以揀貓、狗或熊仔，我會貪心咁問可唔可以整 Ryan 襯返我個指甲，結果唔知點解得到 Viu TV，都係哺乳類動物唔好計較咁多，隻熊都幾得意丫。飲這個可以用飲管仔，咁就唔會飲到成臉泡或者整爛隻公仔，咖啡底都幾香幾好味。
Milk Chocolate HK$36 (S)
朋友飲熱朱古力都有好犀利的公仔拉花，仲一次過得到熊仔豬仔和貓仔，好抵喎衰鬼！朱古力唔會太甜，飲到底個拉花都仲好keep到呢。
茄蓉雜菜千層麵 HK$88 / 香煎盲鰽柳 HK$218
朋友揀左飽肚主食，這個煎魚原來每日都唔同，視乎有甚麼新鮮魚，這天就是三文魚柳，份量都幾多入面仲好 Juicy。條魚下面仲有好大份薯蓉，亦有些蔬菜，水準唔錯。
我就食好耐無食的千層麵，見到有素食版當然即刻揀！上來比想像中大碟，新鮮出爐香氣十足。長方形烤盤兩邊係薯蓉，中間先係千層麵，食起來唔會悶。千層麵中間係濃郁番茄醬和各種蔬菜，調味做得唔錯，咁大碟食晒都真係飽。
番茄醬味道香濃，中間有翠玉瓜和椰菜花之類，吃起來口感好多層次，令人非常滿足。
在上環想找個鬧中帶靜的空間跟朋友交換近況，Friday Cafe 有得意飲品又有高質美食，真係個唔錯的選擇呢！
張貼
