珍心素食豆漿豆腐花專門店 (已結業)

好耐之前在灣仔吃過一次 珍心素食 已經留下深刻印象，事隔多年都無乜機會再食，今日經過旺角搵地方食午餐，忽然醒起又行入去食下。平民價錢選擇多元化，仲要真係好好食，食完好想搵日再去食腸粉豆花碗仔翅。素食餐廳在旺角砵蘭街，在油麻地和旺角地鐵站中間，我自己就成日會行過果頭，所以都幾方便易搵。入面裝修簡簡單單，就係一般香港茶餐廳小店的Style。除了一般餐牌之外，店內牆上仲貼左好多唔同菜式，周圍望下又見到有新野食，感覺幾有趣。疫情期間推出多款外賣飯餐，非常抵食。個餐牌真係好多元化，除了飯和湯麵之外，仲有各種點心小食，花多眼亂樣樣都好想食。食完正餐仲有豆腐花和其他中式甜品，真係好需要再來食多幾次。沙嗲素牛湯湯麵 + 豆漿 HK$54麵底可以揀蕎麥麵或烏冬，或者加錢升級轉南瓜糙米米粉。原先以為會係沙嗲湯底，點知係類似豆乳濃湯勁好飲！沙嗲牛肉個醬好重花生醬味，熱愛吃花生醬的寶寶表示高興！食落仲唔會好油膩，碗麵仲有菜、海帶、紅蘿蔔絲和玉米粒，有齊唔同顏色又夠豐富。好耐都食過咁好食的素湯麵喎，真材實料又有用心機煮的感覺，以後要多點再來吃。