影片
更多
2021-12-09
463 瀏覽
經過深水埗汝州街又見到新店，以為又係一間新Cafe，望真先發現 桂月 Gwai Jyut 主打其實係本地品牌手工啤酒，環境充滿藝術氣息仲有抵食西餐添！門面都幾有小酒館的風情，玻璃上面寫滿菜單，午餐有適合2人或4人的套餐，約多幾個朋友更抵食。一入去見到水吧，你以為係咖啡吧，其實係手工啤酒吧，後面更特別裝設雪房儲存啤酒，確保溫度與品質。近門處暫時有個打卡位，之後可能會改做寵物友善的座位區。頭頂有棵倒吊的樹，設計都幾有趣。樓上還有一個閣樓，暫時未對外開放，之後會成為VIP專屬和包場空間。主要用餐區大概可以坐廿幾人。行入去可以見到牆上面掛著一幅又一幅油畫作品，最入面牆身仲有幅大型藝術作品，原來係一位美術指導的手筆，店內展示的其他油畫則是學生作品。雖然唔係主打咖啡，不過都會使用本地或進口優質咖啡豆，House blend 口味還在調整當中，這天喝到是偏 Nutty 的大眾口味咖啡。Latte HK$42咖啡口味偏中深焙，帶堅果和可可風味，溫度越低越飲到朱古力味。桂月平日午市供應 Set Lunch，包餐湯/沙律和主菜，跟餐飲品有半價，叫手工啤酒都可以，四人同行仲有小食送。午餐價位由 HK$58-
經過深水埗汝州街又見到新店，以為又係一間新Cafe，望真先發現 桂月 Gwai Jyut 主打其實係本地品牌手工啤酒，環境充滿藝術氣息仲有抵食西餐添！
門面都幾有小酒館的風情，玻璃上面寫滿菜單，午餐有適合2人或4人的套餐，約多幾個朋友更抵食。
一入去見到水吧，你以為係咖啡吧，其實係手工啤酒吧，後面更特別裝設雪房儲存啤酒，確保溫度與品質。
近門處暫時有個打卡位，之後可能會改做寵物友善的座位區。
頭頂有棵倒吊的樹，設計都幾有趣。樓上還有一個閣樓，暫時未對外開放，之後會成為VIP專屬和包場空間。
主要用餐區大概可以坐廿幾人。
行入去可以見到牆上面掛著一幅又一幅油畫作品，最入面牆身仲有幅大型藝術作品，原來係一位美術指導的手筆，店內展示的其他油畫則是學生作品。
雖然唔係主打咖啡，不過都會使用本地或進口優質咖啡豆，House blend 口味還在調整當中，這天喝到是偏 Nutty 的大眾口味咖啡。
Latte HK$42
咖啡口味偏中深焙，帶堅果和可可風味，溫度越低越飲到朱古力味。
桂月平日午市供應 Set Lunch，包餐湯/沙律和主菜，跟餐飲品有半價，叫手工啤酒都可以，四人同行仲有小食送。午餐價位由 HK$58-HK$78，以這個環境來說非常實惠，吃素的話也有一款黑松露雜菇意大利飯可以揀。
這天 Set Lunch 的餐湯是甘筍湯，飲落口感很濃郁，除了甘筍也有點番茄、忌廉風味。
黑松露野菌扁意粉 HK$98
雖然沒有花巧的賣相，但食落都幾有驚喜，入口有點吃蒜油意粉的感覺，菇片和意粉都份量十足，也吃到一點牛油香氣。整體來說味道令人滿足，但油落得比較重手，正常女仔可能會驚驚地。
意式水牛芝士配薯格 HK$85 / 手工啤 HK$49(Half) / $75(Full)
小食選擇以各種炸物為主，見到有個水牛芝士配薯格覺得幾吸引就試下，不過這天水牛芝士大波波剛好無貨，所以上圖只供參考啊。
去深水埗除了飲咖啡，原來都可以飲手工啤！我試這杯帶花香味幾好飲，下次可以再約朋友來吃吃喝喝，聖誕節都可以考慮來吃大餐啊。
張貼
