影片
更多
2021-02-22
3105 瀏覽
好掛住英國但唔知幾時可以再去，唯有去 Le Pain Quotidien 食個英式有機早餐先。我對上一次食是在倫敦火車站，除了豐盛早午餐和全面採用有機食材之外，特色之處還有戰鬥碗style超巨杯咖啡，適合諗住坐一日工作的朋友。來自英國的連鎖烘焙品牌Le Pain Quotidien在香港有四間商店，因為係歐洲人餐廳，所以大部分都有戶外座位，冬天唔太熱又唔太凍的天氣，坐外面有自然光自然風最舒服，當自己去左歐洲街頭度假就對了。一入門口就好似穿越時空，非常歐洲哈利波特感，或者係迪士尼樂園造境，總之就唔似在香港。灣仔這間分店空間頗大，有位整咁英式的走廊，再加戶內戶外大量座位。室內座位有點像歐洲酒窖，目地板和水泥擦白牆身，仲有好有情調好有氣氛的裝飾佈置。外面有瓦遮頭，基本上落雨都唔驚，再加太陽傘擋少少陽光，望住藍天同麻雀仔一齊食早餐超舒服。店內當然買到各種英式麵包西餅，例始看起來好大塊唔算好邪惡的曲奇餅和可愛牛油麵包。貨架上也找到小熊造型樽裝蜜糖和各種果醬之類。水果撻和朱古力蛋糕當然不可少，果個半球體朱古力波好似好犀利喎。另外以酥餅為主，各種夾心都有。當然仲有英國人最喜歡吃的Scones，早餐或
好掛住英國但唔知幾時可以再去，唯有去 Le Pain Quotidien 食個英式有機早餐先。我對上一次食是在倫敦火車站，除了豐盛早午餐和全面採用有機食材之外，特色之處還有戰鬥碗style超巨杯咖啡，適合諗住坐一日工作的朋友。
來自英國的連鎖烘焙品牌Le Pain Quotidien在香港有四間商店，因為係歐洲人餐廳，所以大部分都有戶外座位，冬天唔太熱又唔太凍的天氣，坐外面有自然光自然風最舒服，當自己去左歐洲街頭度假就對了。
一入門口就好似穿越時空，非常歐洲哈利波特感，或者係迪士尼樂園造境，總之就唔似在香港。
灣仔這間分店空間頗大，有位整咁英式的走廊，再加戶內戶外大量座位。
室內座位有點像歐洲酒窖，目地板和水泥擦白牆身，仲有好有情調好有氣氛的裝飾佈置。
外面有瓦遮頭，基本上落雨都唔驚，再加太陽傘擋少少陽光，望住藍天同麻雀仔一齊食早餐超舒服。
店內當然買到各種英式麵包西餅，例始看起來好大塊唔算好邪惡的曲奇餅和可愛牛油麵包。
貨架上也找到小熊造型樽裝蜜糖和各種果醬之類。
水果撻和朱古力蛋糕當然不可少，果個半球體朱古力波好似好犀利喎。
另外以酥餅為主，各種夾心都有。
當然仲有英國人最喜歡吃的Scones，早餐或下午茶必備，看起來好大一個。
早午餐選擇非常豐富！雞蛋、麵包之類全部採用有機食材，當然仲有「素食」和「純素」餐點，純素早午餐可以揀炒豆腐或Oatmeal啊~
另外仲有多士、沙律和湯等等，想揀套餐亦可。
飲品有咖啡、果汁和酒，我見都幾多外國人飲果汁，咖啡的話有大杯或正常兩個size，大杯裝係戰鬥碗size，如果你諗住坐一日可以叫杯大的慢慢飲。
Goat Cheese, Mushroom & Spinach Omelette HK$122 / Latte HK$39
好耐無食過咁大碟的奄列早餐，寶寶表示高興！菠菜芝士奄列夠足料，上面仲有青醬，不過味道偏淡，要自己再加鹽和黑胡椒。沙律個汁非常好食，整個有驚喜，麵包要慢慢咬的歐式品種，咖啡飲到香濃牛奶味，可以吃得出食材有精挑細選，品質很好。
想要懷念在英國旅行的時光，不如就來這裡吃一個度假感十足的早午餐吧。
張貼
