影片
更多
2021-02-16
645 瀏覽
Green Common 十間分店之中，荃灣如心廣場這間應該係最開揚、採光最好的分店，來這邊吃素特別醒神，唔怪得好多一家大細來用餐啦！搭地鐵的話可以選擇搭去荃灣西站，穿過海之戀商場(即係有DonDonDonki個商場)就係如心廣場二期，轉右手邊一直行到尾就見到 Green Common，快捷方便。搭去荃灣站的話就要行比較遠啦。這間 Green Common 也是同時有零售和餐廳兩部分，餐廳面積都幾大，而且三面都係玻璃窗，採光極之良好，下午來吃飯超醒神，影相都夠晒自然光特別靚，下次要拍野都一定要揀荃灣分店！因為荃灣這邊是住宅區，很多家庭客人來用餐，所以座位特別多，方便附近街坊食素。餐廳色調都係一貫灰藍色調，高貴也柔和，男女通殺。Green Common 以一間連鎖純素餐廳來說，價錢都算大眾化，午市套餐附湯、沙律或飲品，全部HK$100以內，唔算非常奢侈的素食。不過要留意返，這間 Green Common 是有收加一服務費的 (不是每一間都要收)。 蜜運牛丼 HK$78 / 牛來牛肉腐皮卷 HK$38 / 新豬肉叉燒酥 HK$28 / 港式絲麥奶茶 HK$28新春佳節喜氣洋洋，當然要
Green Common 十間分店之中，荃灣如心廣場這間應該係最開揚、採光最好的分店，來這邊吃素特別醒神，唔怪得好多一家大細來用餐啦！
搭地鐵的話可以選擇搭去荃灣西站，穿過海之戀商場(即係有DonDonDonki個商場)就係如心廣場二期，轉右手邊一直行到尾就見到 Green Common，快捷方便。搭去荃灣站的話就要行比較遠啦。
這間 Green Common 也是同時有零售和餐廳兩部分，餐廳面積都幾大，而且三面都係玻璃窗，採光極之良好，下午來吃飯超醒神，影相都夠晒自然光特別靚，下次要拍野都一定要揀荃灣分店！
因為荃灣這邊是住宅區，很多家庭客人來用餐，所以座位特別多，方便附近街坊食素。
餐廳色調都係一貫灰藍色調，高貴也柔和，男女通殺。
Green Common 以一間連鎖純素餐廳來說，價錢都算大眾化，午市套餐附湯、沙律或飲品，全部HK$100以內，唔算非常奢侈的素食。不過要留意返，這間 Green Common 是有收加一服務費的 (不是每一間都要收)。
蜜運牛丼 HK$78 / 牛來牛肉腐皮卷 HK$38 / 新豬肉叉燒酥 HK$28 / 港式絲麥奶茶 HK$28
新春佳節喜氣洋洋，當然要試下新菜式，我揀左好意頭的「芝麻甜醬油植物牛肉片丼飯」，下面係成碗紅米飯，上面滿滿韓國牌子植物牛肉，中間仲有好多椰菜、豆苗和三色椒，整體來說非常豐富！因為個芝麻甜醬汁幾好食的關係，撈飯係幾唔錯。兩個香口小食都好夠惹味，完全滿足口腹之慾。
荃灣越來越多素食餐廳，真係街坊之福，搞到我都成日想來這邊覓食。
張貼
