影片
更多
2022-02-16
3715 瀏覽
忽然想食日本野，諗起銅鑼灣築地日本料理有素食壽司套餐，即刻過海去食先！素食一人前有8件壽司佳麗、沙律、涼拌山藥丁、一口冷麵和甜品，整盤上來豐富又壯觀，價錢都唔貴呢！築地日本料理位於金百利商場7樓，銅鑼灣地鐵站E出口一出就係，搭升降機一開門就見到勁方便。餐廳其實都幾大間架，入面以梳化卡位為主，環境舒服又有日本風情。其中一面牆上貼了日本築地漫畫，店內各處也放了日系佈置。素心司素食一人前套餐是恆常餐牌，每天供應，午市吃有特價只要 HK$98。秋葵天婦羅 HK$42見到餐牌上還有其他素食選項，所以揀了個秋葵天婦羅試試，份量比想像中多，炸漿薄薄脆脆，食落都唔會油膩。鹽燒冬菇 HK$18厚肉鮮冬菇每隻都有切花，賣相精美，鹽烤亦洽到好處，飽滿多汁。素心司一人前 HK$138(正價)黑蒜和風海藻沙律蔬菜新鮮，沙律汁清爽不膩。涼拌亞麻籽山藥丁食落健康，山藥粒粒爽口，味道讓人如沐春風。竹炭杯一口冷麵其實要食兩啖，個素食冷麵汁好有鮮味，麵條爽口開胃。素壽司沒有用蒟蒻魚生，紅色那件用的是紅椒肉，旁邊兩件都係菇菇壽司，唔同汁和蘿蔔絲配搭食落都有唔同效果。素吞拿魚壽司簡單味美，芒果卷中間有青瓜和蘆荀，真係清心寡慾
忽然想食日本野，諗起銅鑼灣築地日本料理有素食壽司套餐，即刻過海去食先！素食一人前有8件壽司佳麗、沙律、涼拌山藥丁、一口冷麵和甜品，整盤上來豐富又壯觀，價錢都唔貴呢！
築地日本料理位於金百利商場7樓，銅鑼灣地鐵站E出口一出就係，搭升降機一開門就見到勁方便。
餐廳其實都幾大間架，入面以梳化卡位為主，環境舒服又有日本風情。
其中一面牆上貼了日本築地漫畫，店內各處也放了日系佈置。
素心司素食一人前套餐是恆常餐牌，每天供應，午市吃有特價只要 HK$98。
秋葵天婦羅 HK$42
見到餐牌上還有其他素食選項，所以揀了個秋葵天婦羅試試，份量比想像中多，炸漿薄薄脆脆，食落都唔會油膩。
鹽燒冬菇 HK$18
厚肉鮮冬菇每隻都有切花，賣相精美，鹽烤亦洽到好處，飽滿多汁。
素心司一人前 HK$138(正價)
黑蒜和風海藻沙律蔬菜新鮮，沙律汁清爽不膩。涼拌亞麻籽山藥丁食落健康，山藥粒粒爽口，味道讓人如沐春風。竹炭杯一口冷麵其實要食兩啖，個素食冷麵汁好有鮮味，麵條爽口開胃。
素壽司沒有用蒟蒻魚生，紅色那件用的是紅椒肉，旁邊兩件都係菇菇壽司，唔同汁和蘿蔔絲配搭食落都有唔同效果。素吞拿魚壽司簡單味美，芒果卷中間有青瓜和蘆荀，真係清心寡慾的感覺。
圓形那個應該用了素肉，吃起來像日式漢堡扒，味道濃郁吃完很有精神。
甜品是紅豆蓉夾心的水晶麻糬，並沒有特別喜歡吃甜品的人就覺得尚可尚可。
難得有日本料理店咁用心創作素食壽司，仲每一件都有落心思唔頹廢，港島區的素友一定要mark低呀！
張貼
