影片
更多
2021-02-25
144 瀏覽
今日放假同朋友出咗中環, 見到以前Ignis宜家變咗做一間新club叫C45, 竟然有做lunch仲要係我鍾意食嘅墨西哥菜! 佢Executive Set Lunch真係好抵! $158 2-course, $198 3-course我同朋友本來想嗌一個2-course, 一個 3-course. 先嚟頭盤, 我哋嗌咗一個 Kale and quinoa salad, 一個 Seafood Ceviche. 個沙律好大份, 好豐富, dressing酸酸甜甜好refreshing. 我本身好鍾意食ceviche, 但香港好似冇乜地方有. 呢度個ceviche好驚喜!好fresh. 柚子醋令成道菜好鮮, 加埋我鍾意嘅芫茜同jalapenos. 酸酸地辣辣地好開胃! 下次返嚟一定嗌多次! 嚟到main course, 我哋叫咗一個 tacos, 一個burrito roll. Tacos 我哋嗌咗2牛1豬嘅soft taco shell不得不讚個牛, 我朋友食牛好奄尖, 淨係鍾意食靚牛. 佢竟然讚個taco嘅牛係靚牛好好食. 經理仲好貼心問我哋要唔要tabasco, 同推介我哋落新鮮碎 j
佢Executive Set Lunch真係好抵! $158 2-course, $198 3-course
我同朋友本來想嗌一個2-course, 一個 3-course.
先嚟頭盤, 我哋嗌咗一個 Kale and quinoa salad, 一個 Seafood Ceviche.
個沙律好大份, 好豐富, dressing酸酸甜甜好refreshing.
我本身好鍾意食ceviche, 但香港好似冇乜地方有. 呢度個ceviche好驚喜!好fresh. 柚子醋令成道菜好鮮, 加埋我鍾意嘅芫茜同jalapenos. 酸酸地辣辣地好開胃! 下次返嚟一定嗌多次!
嚟到main course,
我哋叫咗一個 tacos, 一個burrito roll.
Tacos 我哋嗌咗2牛1豬嘅soft taco shell
不得不讚個牛, 我朋友食牛好奄尖, 淨係鍾意食靚牛. 佢竟然讚個taco嘅牛係靚牛好好食. 經理仲好貼心問我哋要唔要tabasco, 同推介我哋落新鮮碎 jalapenos.
個豬肉絲Burrito roll 冇得輸!! 好好食, 包得好好, 一路食到尾一啲都冇跌出嚟. 好大份好飽肚. sour cream同 guacamole 都好夠, 我咬一啖落一羹都夠我食晒成個burrito! 不過淨係set lunch menu先有, a la carte冇burrito roll, 即係dinner就食唔到啦..
本身想試埋甜品但實在太飽. 食完main course 侍應捧出一個陶瓷碗, 入面有兩粒白色嘢, 原來係即棄脫水毛巾. 侍應攞住一個玻璃樽向入面倒滾水, 個兩粒白色嘢開花咁彭漲, presentation好滿足到我小朋友嘅心 hahahah
最後surprise嘅係, 呢間明明係club, 嘢食好食之餘, 咖啡都幾唔錯!
P. S. 呢度啲菜式名幾有心思幾搞笑, 例如 Let's TACO 'Bout Us 同 In Queso You Didn't Know
Pork Carnitas Burrito Roll with mixed Green Salad
8 瀏覽
0 讚好
0 留言
Let's TACO 'Bout Us
10 瀏覽
0 讚好
0 留言
Signature Citrus Seafood Ceviche
15 瀏覽
0 讚好
0 留言
Energy Boosting Kale & Quinoa Salad Bowl
10 瀏覽
0 讚好
0 留言
張貼
