煙囪捲 (已結業)

當年去捷克食過trdelnik，自此就好難忘。喺香港除佐喺pivo Czech bar食過，都冇其他地方有得食，所以當前排知道chimney專賣trdelnik加雪糕嘅煙囪捲，就即刻bookmark佐去食。chimney專做外賣，全部即點即整，確保新鮮。煙囪捲有唔同嘅配搭，trdelnik有椰絲/花生揀，仲有唔同口味嘅雪糕同配料配搭。我揀佐花生trdelnik+混合牛奶朱古力雪糕再加最新口味嘅士多啤梨汁。雪糕好香滑，不過太快溶，一拿上手就已經溶咗。可能因為天氣實在太熱，加上trdelnik又暖暖地。但係個trdelnik確實好食，外脆內軟，口感十足。揀士多啤梨汁會有一個紅色脆圈，整體唔錯。食食下發現trdelnik仲有custard喺下面，唔會甜漏兼口感豐富，好有心思。