影片
更多
2019-07-07
128 瀏覽
本來返深圳先可以食烤魚，但係依家香港都有得食啦！呢間烤魚工房開喺元朗，開張冇幾耐，已經聽到唔少朋友講呢度好好味，仲要成日見到佢哋喺IG打卡。今日決定咗試吓呢一間烤魚工房，七點嚟到，已經係超級多人排隊，估唔到咁鬼旺，已經非常之期待啦！等嘅時候仲可以有茶水飲，都算有誠意啊 入面裝修都比較簡單，用盡晒所有空間接客，但係場邊有好多有趣嘅塗鴉同埋畫作，影相一流。揀咗一條推介嘅江團魚，試咗呢個重慶豆花味，因為我哋都唔算好食得辣，所以叫咗少辣。但係味道真係好正！雖然係有啲麻辣，但係好香口好開胃！雖然望落去係紅卜卜，但係呢辣嘅程度都可以接受嘅，可以一試！條魚就真係好高質！完全無骨！仲要烤得好香好好味，等啲湯都滾埋再食一流！辣辣地嘅湯底將魚嘅鮮甜襯托哂出黎豆腐都非常好味，滑滑地，係重口味中帶來清新～配菜方面，好少可見到有得食田雞，咁就嗌黎食下。$78都幾大碟，可能有2隻。但係田雞唔算新鮮...煮熟咗都冇乜鮮味，好淡。諗住煮耐啲索下啲湯汁，又覺得煮得太老 可惜可惜其他配菜叫咗金菇同娃娃菜，但係金菇係底，索哂啲湯汁，實在太咸啦！下次食一定要撈哂出黎先，仲要盡早食。飲品方面，大大杯嘅水果茶都係呢間店嘅招牌之一
本來返深圳先可以食烤魚，但係依家香港都有得食啦！呢間烤魚工房開喺元朗，開張冇幾耐，已經聽到唔少朋友講呢度好好味，仲要成日見到佢哋喺IG打卡。今日決定咗試吓呢一間烤魚工房，七點嚟到，已經係超級多人排隊，估唔到咁鬼旺，已經非常之期待啦！等嘅時候仲可以有茶水飲，都算有誠意啊
入面裝修都比較簡單，用盡晒所有空間接客，但係場邊有好多有趣嘅塗鴉同埋畫作，影相一流。
揀咗一條推介嘅江團魚，試咗呢個重慶豆花味，因為我哋都唔算好食得辣，所以叫咗少辣。但係味道真係好正！雖然係有啲麻辣，但係好香口好開胃！
雖然望落去係紅卜卜，但係呢辣嘅程度都可以接受嘅，可以一試！條魚就真係好高質！完全無骨！
仲要烤得好香好好味，等啲湯都滾埋再食一流！辣辣地嘅湯底將魚嘅鮮甜襯托哂出黎
豆腐都非常好味，滑滑地，係重口味中帶來清新～
配菜方面，好少可見到有得食田雞，咁就嗌黎食下。
$78
都幾大碟，可能有2隻。但係田雞唔算新鮮...
煮熟咗都冇乜鮮味，好淡。諗住煮耐啲索下啲湯汁，又覺得煮得太老 可惜可惜
其他配菜叫咗金菇同娃娃菜，但係金菇係底，索哂啲湯汁，實在太咸啦！下次食一定要撈哂出黎先，仲要盡早食。
飲品方面，大大杯嘅水果茶都係呢間店嘅招牌之一，基上枱枱都會叫一杯！的確好fresh中和返重口味嘅烤魚
另外杯芒果沙冰就比較遜色啦，可以不試。
張貼
