影片
更多
2024-09-02
3248 瀏覽
見到朋友一直都話想試吓特別嘅素菜，於是我幫佢試找找，終於最近在OpenRice找到一間好特別嘅素菜館，呢間係主打fine dining嘅素菜館，有中西融合嘅概念，希望我朋友喜歡喇。今晚試咗12道菜嘅tasting menu, 每道菜都非常有創意，而且擺盤非常精緻兼色香味俱全。Welcome Drink～酸木瓜果汁+ 黃金梨果汁兩杯嘅味道都係酸酸甜甜，令到胃口大開。餐前小食 ～芒果青檸柚子藜麥脆筒呢個藜麥脆筒好脆口，上面用咗芒果青檸柚子製成嘅莎莎，夠晒清爽。欖菜·螺絲卷一個蒸、一個炸嘅螺絲卷，配搭埋濃香嘅欖菜醬，真係好好味。開胃菜 ～椰皇·淮山用椰皇汁和淮山製成果凍，呢個賣相好靚，而且食落有好重椰皇味添。涼瓜·涼瓜兩款醃漬接木瓜和白玉苦瓜都好酸甜爽脆。前菜 ～松茸·豆腐利用咗分子料理把豆腐做成麵條，湯底就係用好香濃嘅松露加埋野山菇菌熬製成湯，一打開蓋，好香濃嘅松露和菇菌嘅氣味湧晒出嚟，而豆腐麵條又夠順滑。蒲燒·素卷·海藻利用腐竹和腐皮做成齋鰻魚，一層層嘅豆皮清晰可見，層次感十足。湯品 ～玉米·小米·哈密瓜利用咗哈密瓜、尼泊爾嘅小米和BB粟米熬製成凍湯，而碟邊嘅BB粟米係用咗昆布豉油來醃製
今晚試咗12道菜嘅tasting menu, 每道菜都非常有創意，而且擺盤非常精緻兼色香味俱全。
Welcome Drink～
酸木瓜果汁+ 黃金梨果汁
兩杯嘅味道都係酸酸甜甜，令到胃口大開。
餐前小食 ～
芒果青檸柚子藜麥脆筒
呢個藜麥脆筒好脆口，上面用咗芒果青檸柚子製成嘅莎莎，夠晒清爽。
欖菜·螺絲卷
一個蒸、一個炸嘅螺絲卷，配搭埋濃香嘅欖菜醬，真係好好味。
開胃菜 ～
椰皇·淮山
用椰皇汁和淮山製成果凍，呢個賣相好靚，而且食落有好重椰皇味添。
涼瓜·涼瓜
兩款醃漬接木瓜和白玉苦瓜都好酸甜爽脆。
前菜 ～
松茸·豆腐
利用咗分子料理把豆腐做成麵條，湯底就係用好香濃嘅松露加埋野山菇菌熬製成湯，一打開蓋，好香濃嘅松露和菇菌嘅氣味湧晒出嚟，而豆腐麵條又夠順滑。
蒲燒·素卷·海藻
利用腐竹和腐皮做成齋鰻魚，一層層嘅豆皮清晰可見，層次感十足。
湯品 ～
玉米·小米·哈密瓜
利用咗哈密瓜、尼泊爾嘅小米和BB粟米熬製成凍湯，而碟邊嘅BB粟米係用咗昆布豉油來醃製再去煎炸，夠晒香口。
主菜 ～
皇菇·昆布·夏瓜
兩層半透明嘅皮係利用咗冬瓜、合掌瓜、葛瓜製成的，而夾在中間嘅餡料係小米、玄米和桃膠，上面更放上海葡萄和菊花碎嚟提香，湯底方面用咗清湯嚟熬製，味道甘甜，絕對適合夏天食用。
烤醬·菜花·千層土豆
利用椰花菜做到似扒嘅型態，再用素叉燒醬來烤焗，上枱已經聞到好香濃嘅叉燒醬味。而配菜方面係用咗千層土豆配上酸忌廉。
清新小點 ～
酸薑·蔬菜凍
呢碟係間菜，想客人清吓味蕾，利用咗酸薑和不同顏色嘅蔬菜根部來做成呢碟果凍，感覺好清新又可解膩。
主菜 ～
燕麥·雪膠·瓜甫
呢個菜有好多層，好似個蔬菜塔，分別有茶樹菇、棱角勝瓜、樹膠和西葫蘆瓜，再用燕麥和夏威夷果仁打成的泡沫做成濃湯，呢個配搭好特別，泡沫濃湯口感夠細滑。
主食 ～
素鮑魚·辣拌·稻庭冷麵
呢個麵充滿麻辣味，而且每條麵很滑嫩，麵上面更有素鮑魚和清爽嘅蔬菜碎嚟平衡番冷麵嘅澱粉質。
甜品 ～
芭樂·紫蘇·聖女果
番石榴味嘅雪葩配埋搭埋石榴加乳酪做成嘅湯丸，再配上聖女果，整個口感夠清爽，可解夏天嘅暑氣。
桂花·雪燕
用咗桂花做果凍配雪燕，再加上桂花，感覺很清新，而且又可養顏。
張貼
