影片
更多
2016-05-05
10654 瀏覽
我好明白做左父母想安安樂樂坐係度食餐飯, 真係唔係咁易, 想係5星級酒店慢慢坐係度嘆反個SUNDAY BRUNCH好似無乜可能? 哈~ 錯啦!!!!!!!! 原來有間酒店明白到我地呢D父母既心聲, 每個星期日都會推出SUNDAY BRUNCH, 岩晒一家大細一齊去, 因為BUFFET進行期間酒店會開放一間遊戲室比小朋友玩樂, 入面有大大張豆豆SOFA仲有好多玩具、電子電腦比佢地玩, 最好係房入面有職員幫手照顧小朋友, 咁爸爸媽媽就可以舒舒服服坐係度放心食野啦 ^^首先介紹下有咩食先, 呢個SUNDAY BRUNCH算係半自助餐形式, 行貴精不貴多路線, 佢唔算好多選擇, 但你想食到既野基本上都會有 (最可惜既係無刺身囉.....>.<), 頭盤有多款不同HAM & CHEESE, HAM咸香味足夠, 芝士好夠RICH, 最鐘意CREAM CHEESE, 好濃郁芝士香, 仲有幾款沙律可供選擇, 味道都OK但又唔算特別出色. 最開心係有即開生蠔....(爸爸媽媽們想回本主要睇你食到幾多隻啦~哈) 生蠔一啖一口, 夠鮮味有淡淡咸味, 好好味!餐廳出名意大利菜, 即製PIZZA
哈~ 錯啦!!!!!!!! 原來有間酒店明白到我地呢D父母既心聲, 每個星期日都會推出SUNDAY BRUNCH, 岩晒一家大細一齊去, 因為BUFFET進行期間酒店會開放一間遊戲室比小朋友玩樂, 入面有大大張豆豆SOFA仲有好多玩具、電子電腦比佢地玩, 最好係房入面有職員幫手照顧小朋友, 咁爸爸媽媽就可以舒舒服服坐係度放心食野啦 ^^
首先介紹下有咩食先, 呢個SUNDAY BRUNCH算係半自助餐形式, 行貴精不貴多路線, 佢唔算好多選擇, 但你想食到既野基本上都會有 (最可惜既係無刺身囉.....>.<), 頭盤有多款不同HAM & CHEESE, HAM咸香味足夠, 芝士好夠RICH, 最鐘意CREAM CHEESE, 好濃郁芝士香, 仲有幾款沙律可供選擇, 味道都OK但又唔算特別出色.
最開心係有即開生蠔....(爸爸媽媽們想回本主要睇你食到幾多隻啦~哈) 生蠔一啖一口, 夠鮮味有淡淡咸味, 好好味!
餐廳出名意大利菜, 即製PIZZA不得不試, SUNDAY BRUNCH會間中換唔同口味, 夠薄夠脆, 大人食3-4塊都唔會覺得好溜, 我家小朋友自己一個都食左2塊呢~哈!! PIZZA個邊好脆口, 中間蕃膏都足夠, 好味!
每枱每個大人都會有張號碼飛仔, 拎住張飛仔, 可以去ORDER各款唔同既意粉, 廚師整完WAITER會親自將熱呼呼既意粉放到你面前, 意粉好有咬口, 最鐘意肉醬意粉, 牛肉好多, 個汁好香好濃, 白汁忌廉意粉小朋友就最鐘意, 夠晒CREAMY同埋好濃芝士味, 好味啊!! 除左自己出去拎食物, 另外其實每位仲可以獨立叫一個MAIN COURSE 及包一杯飲品。
食物暫時講到呢度, 家長可能最關心小朋友玩樂部份, 首先我地食緊野既期間, 有個小醜哥哥親切地過來我地張枱, 同d小朋友傾下計, 同埋樓汽氣比小朋友玩, 槍、劍、盾牌、免仔、狗仔、飛機、卡通人物等等, 只要你講得出口小醜哥哥都會盡量滿足小朋友要求當日餐廳唔算好多小朋友, 小醜哥哥每人樓左2-3個汽球比佢地, 小朋友拎住d汽氣周圍玩, 超開心呢^^酒店有一間遊戲室比小朋友係入面玩, 入房前記得先除鞋, 房內有好多張豆豆SOFA., 部份地下有軟墊, 適合BABY們係地下趴趴趴. 如果媽媽們唔放心, 可以BOOK枱時叫餐廳盡量安排近遊戲室既位置坐, 咁萬一小朋友係入面打交都即時可以入面解圍呢~哈哈哈
房內有好多不同玩具比小朋友玩, 仲有大量圖畫比小朋友填顏色, 房內有個職員姐姐係度幫手照顧小朋友, 如果好似我咁小朋友有反2歲以上, 家長們可以放心比小朋友自己玩, 自己出去嘆下美食, 不知幾爽 男孩子對電子玩具始終較大興趣, 遊戲室最受歡迎應該都呢幾部電子電腦遊戲, 小朋友玩樂時學習, 哈~又有機會遊戲中學好英語啦
小朋友玩到攰終於記起自己肚餓, 自助餐永遠最吸引小朋友都係甜品部, 生果不停供應, 好新鮮, 士多啤梨超甜
甜品蛋糕款式不多但都好精美, 而且味道唔太甜, 食多幾件都唔溜
另一回本之作就係任食MOVENPICK雪糕啦, 有3款唔同口味, 最基本朱古力, 士多啤梨, 雲妮拿, 名牌子雪糕一定好食, 唔止小朋友見到開心, 連我都食左3大杯啊 HAHAAAA
朱古力噴泉小朋友玩完一次又玩一次, 己經計唔到佢地食左幾多枝士多啤梨朱古力囉~哈最後一提, 一間好既親子餐廳, 一張好既HIGH CHAIR絕對不能少, 呢款HIGH CHAIR雖然普通, 但困得住我呢隻小MONKEY我己經好滿足, 小朋友坐好一於佢有佢食, 我有我食, 佢同佢D朋友仔傾下SUPER HERO, 我同朋友傾下SHOPPING, 爸爸同朋友傾下財經時事. SUNDAY BRUNCH由11AM食到3PM, 今個SUNDAY真係多RELAX... 多美好哦! ^^
題外話/補充資料：
信用咭有85拆
(以上食評乃用戶個人意見 , 並不代表OpenRice之觀點。)
張貼
