Chip In Fish & Chips (已結業)

香港真係唔係好多地方食到傳統英式Fish and chips，早前係網上見到西貢開左間 Fish & Chips 專門店，老闆娘仲要係英國生活多年後回流返香港，令我深信食物一定有返咁上下水準。小店位於西貢敬民街，近巴士總站，雖然主打外賣生意，但係都有幾張檯係店內同店外俾客人。炸魚薯條有分大同細兩個size。魚只有大西洋鱈魚一個選擇，落左order後，店員就會係開放式廚房內即時烹調，雖然店方無以傳統英國模式去用白報紙包住魚同薯條，但係炸魚入口相當鬆脆，肉質鮮嫩又夠大塊，相信粉漿係以傳統方法加入啤酒整成。薯條方面係英式既粗條，做法相當正宗，不過個人認為若果可以落少D鹽既話，味道會更加好。一份炸魚薯條可以揀一種醬汁，分別有茄汁，他他醬同埋醋，而咖哩汁就要加錢。 係我眼中，食魚柳配他他醬同埋英式薯條配茄汁係必須，缺少任何一樣都唔得，如果可以Free兩款醬，咁就真係完美啦。