四季椰林海南椰子雞 (MOKO新世紀廣場)

營業中

休息中

全國有60間直營門店，深圳四季椰林海南椰子雞終於嚟到香港Moko開分店！可以唔使返深圳都可以食到椰子雞， 而且Moko分店座位一樣闊落，環境舒服。四季椰林湯底出哂名係用純椰子水，每個湯底都用左四個椰子，不加一滴水，好岩鐘意火鍋又想食得健康嘅人士。絕對係未入舖頭，單單企係門口已經聞到濃郁椰子香。另外店家新出酸湯椰子湯底，飲落有啲似酸辣湯，不過係小油鹽版本，多一分惹味得嚟不失健康。雞件用嘅係海南名牌產品文昌雞，因放養走地，皮薄彈牙，沒有多餘油脂，肉質嫩滑，非常有雞味。純椰子湯加入雞件後煮5分鐘就食得，椰子雞湯好清甜，不油膩，可以先飲2碗湯，然後用沙薑青檸辣椒豉油調教返個靈魂雞醬食雞。飲完食完主角雞湯雞件，就可以加入其他火鍋配料。火鍋配料也不欺場，雪山牛小排，爽彈蘭花蚌，色澤一流好新鮮！潮汕手工魚皮餃，呢種手工餃皮薄柔軟有魚肉香！另外涼菜雙拼，雞胗都係用文昌雞腎，爽口彈牙唔會硬！叫咗個椰子船飯當甜品，椰子肉同糯米飯一齊蒸熟，淡淡椰香，軟糯香甜，叫多支鮮榨椰汁，完美作結。