HANA Korean Restaurant

營業中

休息中

韓國菜成日俾人感覺重口味同邪惡，但尖沙咀韓國街嘅呢間Hana 則主打比較少見嘅釜山粥、韓式餃子同烏冬！雖然種類唔算太多，但味道比較健康清淡，加上呢排天氣凍，食熱騰騰嘅韓國菜特別暖胃！釜山魚糕烏冬($108)烏冬用筷子捲起，賣相吸睛，上面插着一串雜錦魚糕，每款都口感彈牙實在，唔會好粉！烏冬，口感滑溜，有d似稻庭烏冬，湯底清淡鮮甜，感覺健康。釜山鮑魚粥（$138）天氣凍，特別想食碗熱騰騰嘅粥！韓國粥比較杰身，以高湯熬成，味道鮮甜，粥面加有芝麻油同少許海苔，增添風味。原來呢度嘅芝麻油都係韓國大廚自家配方秘製，冇化學添加，而且更加濃香！辣魷魚及泡菜都好送粥！韓牛餃子（$82）韓國餃子皮比較厚身，但食落唔會好硬，口感比較煙韌，餡料包得飽滿，啖啖肉，牛味都突出。