串王之王 - 正宗成都串串火鍋 (已結業)

話說同朋友喺四川旅行完返嚟 一直都好掛住啲串串 見到好多人都會返大陸食 但係又一路都未抽倒時間去... 今次竟然見到喺鬧市尖沙咀有得食四川串串 真係唔使諗即刻同朋友約埋去 食番餐😂串王之王嘅地理位置都好好 喺尖沙咀站行幾分鐘就到㗎 地鋪又容易搵👍🏻一去到 店員也好熱情咁介紹湯底 同埋店入面嘅推介。湯底呢就因為天氣有啲熱 又驚會麻辣湯底好辣 所以就叫咗鴛鴦湯底 一邊係番茄湯底同埋另一邊係菇湯底！個湯底真係令我喜出望外 番茄湯淥普通嘅串串 真係好好食 吸晒啲蕃茄湯嘅味道 至於菇湯底嗰邊呢 我就覺得比較適合要黎淥肉😂講完湯底 就講下串串啦 串串有分一碟碟 例如蛋牛肉 新鮮嘅蝦 響鈴等等... 另外都有一啲係串好既串串 有醃左嘅肉 有魚蛋等等...etc 店員推介黑色嗰種面 本身見到黑色可能都未必敢試 但本着咩都試吓嘅心態試咗 真係好好食👍🏻 口感好彈牙好煙銀 仲要吸晒湯底嘅精華👍🏻👍🏻調味料方面呢 指示係有一個港式嘅推介 不過都要睇返個人口味先好落幾多醋 可能一兩滴就夠㗎啦 我就係有少少重手 覺得醋味比較重🙈 值得讚賞嘅係有一罐罐嘅生油加落去調味料 而生油又真係係內地運黎香港架 夠哂正宗👏🏻