影片
更多
2023-06-16
74 瀏覽
東京嘅food tour行程太緊密，所以都冇安排到食蟹，貼心嘅👦🏻就話香港補食返😍 去咗蟹慶享受咗一餐超級豐富嘅蟹宴，質素媲美日本，完全高質！松葉蟹肉三文魚子沙律松葉蟹肉三文魚籽沙律開胃清新，炸清水蟹仔脆卜卜，增添口感。伴菜仲有牛蒡同蜆肉。蟹肉鍋巴配紅酒鵝肝鍋巴上舖有一層吞拿魚蓉、一層滿滿嘅蟹肉、一層柚子醋啫喱再撒上爽脆嘅蟹籽，口感好有層次！鵝肝口感creamy帶酒香，都有驚喜！季節刺身四點是日刺身有深海池魚、牡丹蝦、赤貝、拖羅，全部都新鮮肥美，特別係赤貝，爽脆又鮮甜！黑魚子海膽蟹肉蒸蛋茶碗蒸蒸得嫩滑，面頭舖有矜貴嘅黑魚子、海膽同蟹肉，三重鮮味。蒸蛋底下原來仲另有乾坤，有蟹籽、元貝同白果，難怪每一啖都咁鮮甜！日本時令活蟹清蒸原隻新鮮毛蟹，味道原汁原味，非常鮮甜！最正嘅係所有蟹肉已經拆好晒，食落啖啖肉，超級滿足！蘸少少蟹醋更加帶出蟹鮮！浜燒雪場蟹腳配和風辣汁蟹腳好粗身，肉質彈牙厚肉，輕輕燒過嘅蟹腳肉味更加濃郩突出，配辣汁就比較惹味。鹿兒島A5和牛配自家製蒜片及芥辣芥末籽A5和牛油花均勻漂亮，入口即溶！松葉蟹雜炊呢鍋雜炊好正好正！每啖都充滿蟹嘅鮮香，加埋香蔥、香菇及蛋花，好好食！汁物湯用茶
去咗蟹慶享受咗一餐超級豐富嘅蟹宴，質素媲美日本，完全高質！
松葉蟹肉三文魚子沙律
松葉蟹肉三文魚籽沙律開胃清新，炸清水蟹仔脆卜卜，增添口感。伴菜仲有牛蒡同蜆肉。
蟹肉鍋巴配紅酒鵝肝
鍋巴上舖有一層吞拿魚蓉、一層滿滿嘅蟹肉、一層柚子醋啫喱再撒上爽脆嘅蟹籽，口感好有層次！鵝肝口感creamy帶酒香，都有驚喜！
季節刺身四點
是日刺身有深海池魚、牡丹蝦、赤貝、拖羅，全部都新鮮肥美，特別係赤貝，爽脆又鮮甜！
黑魚子海膽蟹肉蒸蛋
茶碗蒸蒸得嫩滑，面頭舖有矜貴嘅黑魚子、海膽同蟹肉，三重鮮味。蒸蛋底下原來仲另有乾坤，有蟹籽、元貝同白果，難怪每一啖都咁鮮甜！
日本時令活蟹
清蒸原隻新鮮毛蟹，味道原汁原味，非常鮮甜！最正嘅係所有蟹肉已經拆好晒，食落啖啖肉，超級滿足！蘸少少蟹醋更加帶出蟹鮮！
浜燒雪場蟹腳配和風辣汁
蟹腳好粗身，肉質彈牙厚肉，輕輕燒過嘅蟹腳肉味更加濃郩突出，配辣汁就比較惹味。
鹿兒島A5和牛配自家製蒜片及芥辣芥末籽
A5和牛油花均勻漂亮，入口即溶！
松葉蟹雜炊
呢鍋雜炊好正好正！每啖都充滿蟹嘅鮮香，加埋香蔥、香菇及蛋花，好好食！
汁物
湯用茶壺盛載保溫，飲嘅時候倒落茶杯度慢慢飲。呢個海鮮湯好有誠意，原來入面仲有蟹肉、貝柱、魚肉同菇，好多料！
甜品－芝士蛋糕及抹茶紅豆奶凍配抹茶蕨餅
芝士蛋糕creamy香滑，甜而不膩。抹茶紅豆奶凍濃郩回甘，配Q彈嘅蕨餅，完滿嘅一餐！
張貼
