台灣ET鹽水雞

營業中

休息中

其實每次去台灣旅行，夜市嘅食物一般般啦，最鍾意反而係鹽水雞！可惜依樣睇落好似係幾簡單幾容易整嘅食物，返到嚟香港係完全冇得食嘅！直至到我知道係開咗一間鹽水雞嘅CHAIN STORE，其中一間分店就喺旺中，今日咁岩去開附近就去試一試。佢哋嘅鹽水雞ORDER方式同台灣差唔多，都係一個個餐有唔同份量嘅雞，再加幾樣配菜咁。當然啦可能因為佢哋喺鋪頭，選擇都比較多。買咗一份一人餐，雞幾個配料，再加埋見到好多後生仔都嗌嘅冷麵，撈撈埋埋都有一大盒。試吓Ｄ雞，其實都唔錯，當然佢哋唔可以要求好似台灣咁咁有雞味，但係都算係香港冇選擇之下都食得過嘅。比較驚喜嘅就係你哋嘅雞，都切得比較大舊，方便食得黎唔會太碎。青瓜係爽脆嘅，皮蛋聽落好似九唔搭八但其實幾好，最驚喜嘅就係佢哋嘅冷麵，好彈牙好吸味，唔怪得咁多人嗌啦。不過要小心嘅就係，如果唔食得辣嘅話，就唔好叫太辣，如果唔係，成盒野同一個味，太辣食唔到嘅話就比較浪費喇。價錢當然冇台灣咁平，雞嘅份量多嘅SET都要一百幾十蚊。如果偶爾行過旺中附近嘅，都可以試下。