鮪世市場 (已結業)

而家愈來愈多食街。將軍澳厚德商場係其中一個。今日黎左呢度掃街，試左好多野。而food lane入面竟然隱藏住高質數既壽司鋪。鋪頭唔算好大，大概可以坐到10個人左右。由於實在太多人排喇，所以買左盒外賣慢慢品嚐。無諗過呢間壽司店係超高質超有水準。而家要係香港搵一間有返咁上下水準既壽司鋪係非常之難呢！就算外賣仍然都保持住高水準，所有魚都好新鮮。藍鯨吞拿魚腩同極上吞拿魚鮫都一定要試，有入口即溶既感覺，而左名魚裙邊好滑流，帆立貝大大粒好新鮮！非常值得去幫襯！