Royce' Chocolate (已結業)

品牌：ROYCE' Chocolate相信大部分人都會識得ROYCE' @royce_hk 呢個日本北海道朱古力品牌🇯🇵，創業至今接近40年，皆因佢哋嘅生朱古力而風靡日本同全世界🌏，與別不同嘅喺佢哋仲加入咗北海道特產鮮忌廉喺朱古力當中😋最近ROYCE'仲首次設計咗香港限定版——香醇魅力(淡可可味)🇭🇰，包裝用咗充滿本地街道特色嘅霓虹燈為封面，仲特別印有「香港」同「生朱古力」嘅中文字，令人可以一睹香港璀璨奪目、令人情迷嘅一面😍得知呢款香港限定版生朱古力已經喺所有ROYCE’專櫃同門市有得買🤩，襯住新年點都要買返盒做個留念，同屋企人一齊分享呢份甜蜜回憶🥰呢隻淡可可味無酒精，啱晒唔鍾意酒香或者對酒精敏感嘅人👍，入口可可粉已經沾滿嘴角😚，一陣又一陣嘅可可香味喺口腔裡面徘徊，冰涼嘅口感再增添一份冬日滋味，令人忍唔住食完一粒又一粒😆