天吉屋 (已結業)

之前見到唔少媒體都有介紹呢間食天婦羅丼飯嘅餐廳。餐牌都幾簡潔，只係列有10款以內嘅天婦羅丼飯。座位方面，部分位置尚算寬敞，不過二人位就有啲窄。有一排座位係對正廚房，隱約會見到廚師嘅工作情況，都幾有趣。-軟殼蟹丼 $158見到有一款係香港限定款式，所以特登叫咗軟殼蟹丼飯。除咗有巨型軟殼蟹，比較特別係有炸皇帝菜同櫻花蝦，同外脆內軟流心蛋。稍嫌炸得有點過火，但蟹肉同皇帝菜味道都尚算不錯。配料份量多而足，食到一半已經好飽。