影片
更多
2016-09-09
364 瀏覽
今日同同事講開約左朋友黎食京林屋，佢第一句已經同我講，果度好多人架喎，成日都見到有人排隊。搞到我嚇一嚇，收左工咩都唔理，沖左過去拎位先。好彩，7點去到果陣都仲OK唔使等位住，入面仲有少少吉位。抹茶蕎麥麵 $78由於岩岩收工既關係，點都要點2個麵食飽一飽肚既。未試過抹茶既蕎麥麵，等我試下新野先。賣相好吸引，綠茶色既冷麵，另外有個醬汁俾你沾黎。夏天食涼涼地都唔錯，不過可惜麵既味道比較淡，唔係好食到有咩特別。可能我對佢期望太高，反而感覺一般。讚岐烏冬 $68雖然抹茶蕎麥麵令我有D失望，但係呢個讚岐烏冬俾返驚喜我，唔怪得D人成日都話無期望係好D。本人只係為左點個熱食而點，賣相雖然有D平凡，無特別既配料，只係得兩塊魚餅同埋紫菜絲，但係湯底好夠味，烏冬夠哂彈牙，我承認我唔應該因為佢既外表平凡而對佢有偏見，食物果然都係講內涵香港限定 $98既然係香港限定，又點可以唔試下。首先個賣相已經引死人喇，層次鮮明，咩都有，綠茶雪糕、蛋糕、蕨餅、紅豆、白玉、寒天...綠茶味夠哂濃郁，但係唔會苦，而且有蕨餅、白玉果D增加個口感，成杯甜品既味道都好夾，簡直透心涼！雪山 $108呢個雪山既siz
好彩，7點去到果陣都仲OK唔使等位住，入面仲有少少吉位。
抹茶蕎麥麵 $78由於岩岩收工既關係，點都要點2個麵食飽一飽肚既。未試過抹茶既蕎麥麵，等我試下新野先。賣相好吸引，綠茶色既冷麵，另外有個醬汁俾你沾黎。夏天食涼涼地都唔錯，不過可惜麵既味道比較淡，唔係好食到有咩特別。可能我對佢期望太高，反而感覺一般。
讚岐烏冬 $68雖然抹茶蕎麥麵令我有D失望，但係呢個讚岐烏冬俾返驚喜我，唔怪得D人成日都話無期望係好D。本人只係為左點個熱食而點，賣相雖然有D平凡，無特別既配料，只係得兩塊魚餅同埋紫菜絲，但係湯底好夠味，烏冬夠哂彈牙，我承認我唔應該因為佢既外表平凡而對佢有偏見，食物果然都係講內涵
香港限定 $98既然係香港限定，又點可以唔試下。首先個賣相已經引死人喇，層次鮮明，咩都有，綠茶雪糕、蛋糕、蕨餅、紅豆、白玉、寒天...綠茶味夠哂濃郁，但係唔會苦，而且有蕨餅、白玉果D增加個口感，成杯甜品既味道都好夾，簡直透心涼！
雪山 $108呢個雪山既size十分巨型，食之不盡既刨冰，食左好耐都好似無咩點郁過咁，最頂有舊綠茶雪糕，側邊有2粒白玉，同埋最入面有D蕨餅，不過可惜佢真係純用冰去整，除左係食緊冰之外，都仲係冰，基本係無味既，食食下會覺得好寡，跟住就好想放棄。個人黎講，我鐘意韓式冰多D，因為多D唔同口味，唔會好似齋食冰咁。
每個客人都會有包濕紙巾，方便你食完甜品有時會唔覺意整到痴笠笠，呢個時候抹一抹，就唔使食食下又要搵廁所洗手咁煩。
張貼
