影片
更多
2017-12-04
3311 瀏覽
都有好幾年無去過澳門，成日覺得船飛加酒店的價錢都可以去到個台灣，無去澳門就等於好耐無食過葡菜，澳門曾經係殖民地，所以葡菜都特別正宗，係尖沙咀行街見到呢間咪走雞，即刻葡癮起忍唔住走左入去葡匯咪走雞真係用左隻雞黎做生招牌，門口有店員係度切緊PARMA HAM，算係吸引人的一種技倆吧我地未夠6:30就入左黎，暫時都仲未係好多人，相中可以睇到環境相當舒適麵包麵包係免費的，質感較硬有點似法包，仲有橄欖襯食傳統葡式拼盤 ($95)先來一個拼盤，即係咩都有少少，最岩心大心細人士，有香脆炸雞、傳統馬介休球、酥炸魷魚件同葡國香腸，葡國香腸質感似臘腸，味道較鹹，傳統馬介休球係每次到澳門必食的菜色，馬介休其實即係鹹魚，加入薯蓉一齊炸，好惹味馬介休炒椰菜 ($90)呢碟炒椰菜好大碟，面層灑上唔少馬介休，為清淡的椰菜添上一分鹹味砵酒燴牛尾 ($195)砵酒燴牛尾可選擇跟麵包或者白飯，既然餐廳已經送上麵包，所以我地就揀左白飯，反正白飯可以撈更多汁，呢道菜有點似濃縮版羅宋湯，同樣有蘿蔔、洋蔥、西芹做配料，唔好以為牛尾無咩肉食，其實都幾多同比牛其他的部位嫩，除左砵酒仲有加入茄膏，整鍋味道好濃，送飯一流巴西雞肉咖哩 (
葡匯咪走雞真係用左隻雞黎做生招牌，門口有店員係度切緊PARMA HAM，算係吸引人的一種技倆吧
我地未夠6:30就入左黎，暫時都仲未係好多人，相中可以睇到環境相當舒適
麵包麵包係免費的，質感較硬有點似法包，仲有橄欖襯食
傳統葡式拼盤 ($95)先來一個拼盤，即係咩都有少少，最岩心大心細人士，有香脆炸雞、傳統馬介休球、酥炸魷魚件同葡國香腸，葡國香腸質感似臘腸，味道較鹹，傳統馬介休球係每次到澳門必食的菜色，馬介休其實即係鹹魚，加入薯蓉一齊炸，好惹味
馬介休炒椰菜 ($90)呢碟炒椰菜好大碟，面層灑上唔少馬介休，為清淡的椰菜添上一分鹹味
砵酒燴牛尾 ($195)砵酒燴牛尾可選擇跟麵包或者白飯，既然餐廳已經送上麵包，所以我地就揀左白飯，反正白飯可以撈更多汁，呢道菜有點似濃縮版羅宋湯，同樣有蘿蔔、洋蔥、西芹做配料，唔好以為牛尾無咩肉食，其實都幾多同比牛其他的部位嫩，除左砵酒仲有加入茄膏，整鍋味道好濃，送飯一流
巴西雞肉咖哩 ($175)同樣地可以跟麵包或者白飯，巴西咖哩最特別之處就係加入左新鮮香蕉，呢個配搭第一次試到，估唔到原來香蕉同咖哩係咁夾，香蕉仲可以作為清新劑，唔洗啖啖肉，咖哩辣的程度係BB級，大家可以放心ORDER，雞肉切大件，又一撈汁食飯之選
餐廳每樣食物都好大份量，味道亦做得很不錯，可以一解我咁耐無食葡菜之憂，絕對值得一試
張貼
