梅光軒 (登龍街) (已結業)

原本同朋友想去時代廣場食飯,行到登龍街突然落大雨, 就決定隨便選一間, 見到梅光軒的紅色光猛裝修, 入面幾乎坐滿, 應該都唔會差, 所以決定推門入內, 一推門店員唔夠2秒已迅速幫手推門, 見我們頭髮濕即時遞上抹手紙, 好貼心, 之後還送上兩杯熱茶, 親切到我同朋友都覺得有點不好意思, 問了店員有什麼推介就推薦生羗拉麵, 那我朋友就揀左鹽湯拉麵, 等了一陣, 熱辣辣既拉麵送到, 其實未食都聞到有一股羗味, 第一口入湯, 超熱, 薑味好重, 但我好鐘意, 配料其實都算豐富, 有叉燒, 有菜, 有蛋, 有筍, 叉燒好軟滑, 唔硬, 但又未至於入口即溶, 筍乾好粗, 好有口感, 同平時去開其他拉麵店食既筍好唔同, 唔係簿片, 真係3條好厚, 應該有用豉油醃過, 最欣賞就係菜, 其實之前真係未食過這類型既菜, 我估可能是日本豆苗, 好好食呀......再配埋半隻流心蛋, 超級滿足, 我問番朋友那碗鹽拉麵, 我朋友都話好好味, 湯有點似媽媽煲既湯, 好warm, 整體來說, 一間小小的店, 有濃厚的親切感, 細心的服務, 價錢不貴, 味道一流, 係香港實在難得一見, 放心吧, 梅光軒將會成為我們去