牛禪燒肉日本料理 (已結業)

生活係香港咁多年，都知道香港凍極有個譜，要係香港睇到雪山應該無咩可能。不過今晚就令我大開眼界。一班朋友慶祝生日，飯局揀左世貿一間餐廳。知道呢度食物質素高，不過既然有朋友生日，就豪一次見識下。近江和牛雪山雖然餐廳冷氣已經夠凍，但近江和牛雪山出場既時候現場氣溫不禁再度下降。一大盤和牛疊成山既形狀，不斷有煙由中間冒出，整個畫面真係要用壯觀去形容。菜式好多時都會改一個特別既名去吸引食客，但往往出嚟既效果都唔能夠同個名一樣，名過於實。見前呢坐雪山就無令我失望，牛既雪花清晰可見，而且近江牛口感一流，一試難忘，難怪佢會係日本牛中名列前茅。而我就係第一次，係香港，同雪山近距離接觸。芝士年糕Size 細細件幾好，裡面啖啖芝士 ，但又未算好溜。味醂魚干佐酒小食，魚干有咬口，一定要沾埋沙律醬，更加惹味。日本青蘋果蟹籽沙律味道清新，感覺輕怡，開胃又健康。自己喜歡多點蟹籽，因為喜歡蟹籽夾沙律既口感。五品刺身三文魚腩，油甘魚腩，金目鯛，秋刀魚，響螺五種刺身中以三文魚感覺上看似比較普通，但食落最驚喜。因為口感有別於一般食開既三文魚，入口既感覺好舒服，又香又肥美，好少食到三文魚可以用幸福既感覺去形容。其中金目鯛同秋刀