喜記避風塘炒辣蟹 (利園山道) (已結業)

就黎做冬，唔想媽咪係屋企做得咁辛苦，所以今年我地決定出街食飯做節。媽咪本身鍾意食蟹，所以我地帶左佢去銅鑼灣度食避風塘炒蟹。我地叫左一隻避風塘炒辣蟹，醉鮑魚，黃金蝦，蒜香唐生菜，豉椒炒蜆同埋避風塘炒牛河。先黎既係炒辣蟹，佢係成隻蟹咁俾我大，有一大堆炸蒜伴碟。我地只係要左小辣，味道非常惹味，蟹肉又多又大又啖啖肉，好正呀。我地食到停唔到手。醉鮑魚滲著濃濃酒香，好大隻啲肉又稔身唔韌，食到媽咪見牙唔見眼。黃金蝦炸得非常香，脆卜卜，又多肉，味道好正呀。唐生菜就分量好大，味道正常。炒蜆係小弟既my飛佛之一。分量大，味道好，唔腥，冇沙，又惹味。炒牛河分量都幾大，味道唔錯，牛肉炒得好香好稔，加埋啲蒜香真係一流。