港久新街

營業中

休息中

同朋友喺尖沙咀搵食，見到有間餐廳叫”港久新街”，幾有趣，即刻諗起同音字”港九新界”，見到個Menu係主打香港嘢食，大排檔風味、潮州打冷、燒烤、冷盤熱食等等等等，真係花多眼亂，咁多選擇總有一款啱心水。再加上新張期內仲要全日全單八五折，好吸引😆梗係要試一試佢。入去啲裝修都偏向新格搶眼，但有保留嚟啲懷舊香港大排檔元素，座位闊落，加上不限時，絕對係同朋友食飯吹水，啤一啤既好選擇。我同朋友叫咗幾款香港人都必食過的菜式:沙嗲金菇肥牛粉絲煲一黎個煲份量好大，而且肥牛好似吾使錢甘差唔多佔咗一半份量🤣👍🏻潮式鹹菜豬肚湯底胡椒香味重，濃而不油，朋友直程當湯黎，重點豬肚軟嫩彈牙，好味😋金銀蛋莧菜同樣都係勁大盤，調味亦都唔錯，絕對性價比高！滷水鵝片金錢肚雙拼 鵝肉肉質鮮嫩，金錢肚就爽滑可口，兩款口感各異滿足晒我同朋友不同的口味。本身滷水單食都好夠味，但加埋白醋同辣椒油就更上一個層次😌呢個係成餐入邊，我同朋友最喜歡嘅，不愧為係佢哋嘅招牌菜！