辣吧 (已結業)

今晚同朋友去左尖沙咀到食野，呢間餐廳位處係樓上，環境清幽，中國風既設計好岩帶外國朋友黎試，見佢有個新既銅爐香鍋就心思思想去試下。銅爐香鍋可以選擇好多層，我地選左一層牛肉、一層雞肉，除此之外呢到仲有田雞同埋小龍蝦，不過我都唔太食得慣呢兩樣，所以就點左牛同雞。味道方面有老乾媽爆炒、麻辣味、蒜香味等等。我地老乾媽爆炒搭雞肉，蒜就搭牛肉，個人比較喜歡食雞肉個層，因為肉質更軟同入味，牛肉同牛肚如果軟啲會更好。整體黎講，餐廳環境幾好，服務唔錯，價錢尖沙咀黎講都合理，想試下銅爐香鍋都可以過黎試下呀。