籠太子點心專門店 (已結業)

有時夜晚想食點心，除左去某間點心連鎖店之外就好少地方有得食，但估唔到原來響正銅鑼灣鬧市之中都一樣有，更加估唔到嘅係，價錢仲相當相宜，真係好值得介紹畀大家試下！呢間位於銅鑼灣嘅「籠太子」點心🥧，佢地嘅點心都係自家製造、即叫即蒸，熱辣辣新鮮好味，性價比極高，令人非常驚喜！今日晚餐🥣先叫一客原盅蒸飯：鳳爪排骨飯，排骨飯好好味，熱辣辣食完胃口又飽肚。另外試左幾個點心，分別有經典既鮮蝦燒賣皇、籠太子蝦餃皇，白蝦肉新鮮且彈牙，咬落相當可口；其他點心仲有特色既南瓜🎃煎堆仔、魚肚水餃🥟、四寶雞札，幾樣點心嘅水準都相當之高！最後仲食埋甜品：香芒沙律盞，係一道好有心思同特色嘅點心，絕對令人一試難忘。最重要係，食左咁多點心埋單價錢都唔算貴，今餐真係令我非常滿足呀！