影片
更多
2023-06-01
37 瀏覽
中環前排開咗間主打低溫慢炸豬扒嘅餐廳，前排終於有機會同朋友一齊試下。我哋大約8點去到，之前已經預訂咗座位，唔洗等就入得座。餐廳裝修以木系為主，環境舒適寫意，座位舒服。餐廳提供咗十多款嘅定食套餐。每款套餐都提供咗前菜、麵豉湯、沙律同飯。另外我地都加錢試試佢哋嘅京野菜。坐低店員會逢上熱茶同熱毛巾。🔻 シーフード膳 （Seafood Set) $600▫️沙律新鮮嘅沙律菜有薯仔蓉、蘿蔔、西蘭花等，種類繁多。再配上餐廳特制嘅紅蘿蔔洋蔥醬，味道更fresh。上炸物前店員會先上幾款調味料：黑松露鹽，芝士鹽，岩鹽，七味粉同檸檬。醬汁方面有豬扒醬，芥末醬同他他醬。店員會建議食豬扒時先點點芥末醬再畊豬扒醬汁。套餐有味噌湯，椰菜絲，飯方面可以選擇白飯或十六穀米。▫️炸物萬眾其待嘅炸物拼盤！分別有豬扒、豬柳、 肉丸、蟹拑、蝦同生蠔，十分豐富。餐廳嘅炸物外層做得非常鬆脆，薄薄嘅白色炸粉但唔會有油膩嘅感覺。炸豬扒肉味濃厚，肥瘦均衡，由於用上咗低溫炸法，肉質更會呈微微嘅粉紅色。豬柳肉質較結實，味道較重豬味，面頭更有少少味粉作調味。佢地嘅炸海鮮都非常出色，生蠔味道鮮嫩，而蟹肉食落鮮甜。🔻 ヘルシー膳（Healthy S
我哋大約8點去到，之前已經預訂咗座位，唔洗等就入得座。餐廳裝修以木系為主，環境舒適寫意，座位舒服。
餐廳提供咗十多款嘅定食套餐。每款套餐都提供咗前菜、麵豉湯、沙律同飯。另外我地都加錢試試佢哋嘅京野菜。
坐低店員會逢上熱茶同熱毛巾。
🔻 シーフード膳 （Seafood Set) $600
▫️沙律
新鮮嘅沙律菜有薯仔蓉、蘿蔔、西蘭花等，種類繁多。再配上餐廳特制嘅紅蘿蔔洋蔥醬，味道更fresh。
上炸物前店員會先上幾款調味料：黑松露鹽，芝士鹽，岩鹽，七味粉同檸檬。醬汁方面有豬扒醬，芥末醬同他他醬。店員會建議食豬扒時先點點芥末醬再畊豬扒醬汁。
套餐有味噌湯，椰菜絲，飯方面可以選擇白飯或十六穀米。
▫️炸物
萬眾其待嘅炸物拼盤！分別有豬扒、豬柳、 肉丸、蟹拑、蝦同生蠔，十分豐富。餐廳嘅炸物外層做得非常鬆脆，薄薄嘅白色炸粉但唔會有油膩嘅感覺。炸豬扒肉味濃厚，肥瘦均衡，由於用上咗低溫炸法，肉質更會呈微微嘅粉紅色。豬柳肉質較結實，味道較重豬味，面頭更有少少味粉作調味。佢地嘅炸海鮮都非常出色，生蠔味道鮮嫩，而蟹肉食落鮮甜。
🔻 ヘルシー膳（Healthy Set) $500
▫️高湯啫喱蕃茄
鮮甜嘅蕃茄配上用高湯制成嘅啫喱，味道不錯。
▫️京野菜+$60
京野茶即是選取來自京都認證的蔬菜，有蕃薯、蘿蔔、南瓜等。再配上用慢火暖住嘅牛奶味噌醬，味道creamy同時有濃濃嘅味噌味道，十分美味。
▫️炸物
朋友叫呢個套餐比較健康，炸物方面除咗有豬柳同雞肉，仲有幾款蔬菜。炸雞同一般坊間食到嘅大不同，雞肉類似雞胸部位，但肉質非常嫩滑，一啲都唔鞋口！而蔬菜方面有茄子同露荀，兩款都保持到蔬菜嘅鮮味，店員建議我地可以點點幾款鹽作調味，個人覺得黑松露鹽最配搭到蔬菜炸物。
張貼
