五感日常 (已結業)

五感日常係中環開既一間小店，會做堂食同外賣。佢店舖唔太大，走日系風格。佢係香港首間蒟蒻製品專門店，蒟蒻麵係低碳水化合物食物，適合控制體重人士，又好啱平日上班OL輕食。我今日叫左個二人外買，第一次食咁多蒟蒻製品，既新鮮又感覺健康。 🔶️清新手撕雞蒟蒻卷配沙律（$45， 8.2／10） 手撕雞幾彈牙，配埋蒟蒻卷及甜酸汁幾開胃。 🔶️自家手打墨魚餅撈蒟蒻麵（$68， 8.2／10） 佢每個蒟蒻撈麵都配個冷麵汁，咸咸甜甜咁，佢仲會配埋酸蘿蔔同酸青瓜，幾清新。我幾鍾意佢加自家手打墨魚餅，幾彈牙。 🔶️秘製鹵水牛展撈蒟蒻麵（$58， 8／10）估唔到鹵水牛展喺可以配蒟蒻麵，牛展都算炆得幾焾。 🔶️自家花雕醉雞卷（$48， 7.5／10）賣相幾好，仲有杞子點綴。 🔶️野生竹笙松茸菌湯（$38， 7.5／10）想再養生啲叫埋佢黎度嘅老火湯，$38可以飲到一玩自家煲既松茸菌湯，都幾抵。