好豆製研究所 (已結業)

推薦： 🍉🍉🍉🍉 (4/5)    味道： 🍉🍉🍉🍉 (4/5)    價錢： 🍉🍉🍉 (3/5)    打卡： 🍉🍉 (2/5)    位置： 🍉🍉🍉 (3/5)   回訪： 🍉🍉🍉🍉 (4/5)  上網見到呢間良心小店隨時有機會結業，雖然已經唔係第一次飲，不過都出個post，希望多啲人去試吓佢哋嘅豆乳🥺烏龍茶豆乳 $26茶味唔算太突出，但係勝在同豆乳非常夾，入口好順滑，質感厚得嚟唔會漿口，飲完都唔會覺得個口好澀，以前唔鐘意飲豆漿嘅其中一個原因就係因為飲完會覺得個口好漿/澀，要再飲留幾啖水沖走呢種感覺，呢樣嘢呢間豆乳店就做得好好啦👍🏻另外就係，呢間舖頭會寫明豆乳係微糖/無糖，驚飲廢水又怕肥嘅女仔絕對可以一試！而且有好多唔同嘅口味可以選擇，例如黑糖咖啡豆乳、紅豆豆乳、青瓜豆乳，搵日去試吓啦🤩🤩後記💟 如果唔怕試新嘢，可以試吓佢哋嘅青瓜豆乳/牛油果豆乳，好refreshing😆📍 好豆製研究所 (Beanlab)地址：元朗鳳翔路63號金馬大廈地下12號舖