影片
更多
2022-06-05
1274 瀏覽
香港第一好食涼皮 兩姊妹涼皮有限公司推薦： 🍉🍉🍉🍉🍉 (5/5) 味道： 🍉🍉🍉🍉🍉 (5/5) 價錢： 🍉🍉🍉 (3/5) 打卡： 🍉🍉 (3/5) 位置： 🍉🍉 (2/5) 回訪： 🍉🍉 🍉 🍉🍉 (4/5) 兩姊妹招牌涼皮 (+金錢肚, 牛柏葉) 多麻 $56 呢篇真係要講明先，絕對唔係打手，亦都絕對無收錢😂涼皮好順滑，一吸好輕易就可以成條吸上嚟食哂，好似食緊好薄嘅啫哩咁 (唔知會唔會太over 但係真係我食過最滑嘅涼皮) 咬落比較有厚度同埋好彈牙，同其他舖頭嘅粉皮口感完全唔同！而且好掛汁，好易食到成口都係汁🤤涼皮好食，個醬汁都係主角，好彩有叫多麻！非常推薦！麻度適中，會feel到條脷麻麻哋，但係未去到痛，食落後期會feel到有啲甜，麻感又強又香，配埋落酸酸辣辣嘅辣汁，層次高咗幾個level，非常惹味😍配料好多😍青瓜絲同豌豆都係食到完都仲有，牛柏葉雖然有d薄/幼，但唔影響口感，好爽口，金錢肚大塊啲，煙韌有咬口，我選擇嘅2個餸都係超吸汁，一路咬一路有啲辣汁爆出嚟🤤唯一嘅缺點就係唔夠食，食到落底見到無哂涼皮都係撩嚟睇仲有無半條食淨，如果有加底option就好了😆真係好好
推薦： 🍉🍉🍉🍉🍉 (5/5) 味道： 🍉🍉🍉🍉🍉 (5/5)
價錢： 🍉🍉🍉 (3/5)
打卡： 🍉🍉 (3/5)
位置： 🍉🍉 (2/5)
回訪： 🍉🍉 🍉 🍉🍉 (4/5)
兩姊妹招牌涼皮 (+金錢肚, 牛柏葉) 多麻 $56
呢篇真係要講明先，絕對唔係打手，亦都絕對無收錢😂
涼皮好順滑，一吸好輕易就可以成條吸上嚟食哂，好似食緊好薄嘅啫哩咁 (唔知會唔會太over 但係真係我食過最滑嘅涼皮) 咬落比較有厚度同埋好彈牙，同其他舖頭嘅粉皮口感完全唔同！而且好掛汁，好易食到成口都係汁🤤
涼皮好食，個醬汁都係主角，好彩有叫多麻！非常推薦！麻度適中，會feel到條脷麻麻哋，但係未去到痛，食落後期會feel到有啲甜，麻感又強又香，配埋落酸酸辣辣嘅辣汁，層次高咗幾個level，非常惹味😍
配料好多😍青瓜絲同豌豆都係食到完都仲有，牛柏葉雖然有d薄/幼，但唔影響口感，好爽口，金錢肚大塊啲，煙韌有咬口，我選擇嘅2個餸都係超吸汁，一路咬一路有啲辣汁爆出嚟🤤唯一嘅缺點就係唔夠食，食到落底見到無哂涼皮都係撩嚟睇仲有無半條食淨，如果有加底option就好了😆真係好好食😂食完已經即刻再食多碗，下次再食會叫中辣！
後記
💟 Openrice 有得預訂外賣自取，同喺舖頭買係一樣價錢，好抵！所以唔想等太耐嘅話可以係Openrice叫定先～
💟 仲有好多小食選擇，下次一定會叫幾款嚟食🤤
💟 太子&荔枝角有分店，詳情請查閱店家社交平台
📍兩姊妹涼皮有限公司
地址：元朗教育路68號兆豐樓地下21號舖
張貼
