影片
更多
2011-10-19
446 瀏覽
鋪餅乾隱久唔久就會發作一下，又唔想買超市機整餅乾，但又懶得自己落手落腳焗，就四周圍搵下 d 自家製 ge 小鋪頭睇下有冇 d 有 heart 味道餅乾。咁o岩上網睇到有間座落銅鑼灣區 ge 小鋪頭做團購，就拿拿林用 $75 蚊買左 $150 優惠劵買下餅治下 d 餅隱。好似樓下食評咁講，間野都 ok 難搵，去到果條街都要打打電話問下位置，原來o係座大廈入面再直行先見到，平時根本冇可能會行入去，條街已經靜，仲要咁偏僻，唔怪得要做下團購吸客喇。雖然間鋪咁隔攝，但裝修外觀唔馬夫，簡簡單單木門木櫃暖色燈光打造出溫馨小店 ge 感覺，不過今日去成間鋪頭都放滿左紙箱，應該係 d 鐵盒o岩o岩落完貨喇。店四周木櫃都放滿餅乾鐵盒，但都係用同一個鐵盒，雖然有牌仔寫住，但都幾難分邊樣打邊樣。一眼望落去仲有十幾盒月餅放著，推斷此店中秋應該有自己製月餅喇。一入間口，店員就好詳細介紹店內餅類，有大大小小玻璃罐唔同味道 ge 試食餅乾。試左最受歡迎 ge 粟米片脆餅、朱古力脆米、腰果酥同蝴蝶酥。 玉米片脆餅：食落似薯片，但稍微硬身同味道唔夠，講唔出甜定咸，帶點油份；朱古力脆米：店員話係用黑朱古力整成，食落好鬆好鬆
好似樓下食評咁講，間野都 ok 難搵，去到果條街都要打打電話問下位置，原來o係座大廈入面再直行先見到，平時根本冇可能會行入去，條街已經靜，仲要咁偏僻，唔怪得要做下團購吸客喇。雖然間鋪咁隔攝，但裝修外觀唔馬夫，簡簡單單木門木櫃暖色燈光打造出溫馨小店 ge 感覺，不過今日去成間鋪頭都放滿左紙箱，應該係 d 鐵盒o岩o岩落完貨喇。店四周木櫃都放滿餅乾鐵盒，但都係用同一個鐵盒，雖然有牌仔寫住，但都幾難分邊樣打邊樣。一眼望落去仲有十幾盒月餅放著，推斷此店中秋應該有自己製月餅喇。
一入間口，店員就好詳細介紹店內餅類，有大大小小玻璃罐唔同味道 ge 試食餅乾。試左最受歡迎 ge 粟米片脆餅、朱古力脆米、腰果酥同蝴蝶酥。
玉米片脆餅：食落似薯片，但稍微硬身同味道唔夠，講唔出甜定咸，帶點油份；
朱古力脆米：店員話係用黑朱古力整成，食落好鬆好鬆化唔似食餅乾，味道帶苦但朱古力味唔太夠；
腰果酥：食落香口，腰果清脆香甜兼冇油益味，酥餅部份鬆化帶少少咸味，唯美中不足係顆粒較多，咬到咯咯聲；
蝴蝶酥：亦算香口夠乾身夠脆，但牛油味不足，甜度亦差一點。
可見此店出品 ge 餅乾較健康，雖然油份少但大部份甜度不足。
最後決定左買一盒小鐵盒裝 ge 蝴蝶酥 ($68) 同一盒大鐵盒裝 ge 腰果酥+合桃酥 ($138) 回家慢慢品嚐。每個鐵盒上都有鋪名 logo 同名稱，送禮用簡簡單單都算大方得體。
小鐵盒蝴蝶酥鐵盒比手掌再要細小小，入面大慨有 12 塊蝴蝶酥，用密實袋入住，但我一拎出泥個密實袋開左口喔，好彩入面冇乜受潮但碎左唔少。如同上面試食一樣，夠香口夠脆身，但真係唔多夠甜味同牛油香，不過應該較為健康喇。但 $68 得十二塊，差唔多 $5.5 一塊咁就真係試下就算喇。
大鐵盒腰果酥+合桃酥鐵盒差唔多有半張 A4紙大，每種味大慨有 30-40 粒，一蚊銀細少少咁大粒，包裝唔係用密實袋入，食完要自己搵密實盒入，有少少麻煩。腰果酥味道如上，合桃酥比腰果酥稍稍遜色，合桃唔夠咬口，冇腰果酥香脆，同樣以鹽粒吊味但顆粒較多，咬到咯咯聲。
原價 $ 206，折實價 $131。 講真，咁 ge 價位其實唔多抵食，食完亦冇 encore 感覺。要 o係偏僻隔攝鋪頭立足，雖然店員夠 nice 環境溫馨，但地點食物一般，真係要加把勁喇，香港 homemade cookies 加油！p.s 店員話下次光臨拎番個鐵盒去可以當 $3 用，環保嘛
張貼
