保家山 (已結業)

餐廳：保家山地址：觀塘開源道60號駱駝漆大廈三座5樓O室What a pleasant surprise! 完全冇諗過喺觀塘工廠區可以食到香港食過最好食嘅burger!!!1. 手工和牛漢堡（港式醬汁） $98 （99.8/100）雖然要成差不多$100一個，但真係超超超好食，用和牛，仲要手打，果然真係唔同啲，塊肉爆汁，牛味香濃嫩滑，一啲騷味都冇。生菜同埋蕃茄都好爽口新鮮，個包有煎過，個醬汁好好食，唔係就咁普通沙律醬，係自己特調嘅醬汁，成個飽整得好有heart，真係我喺香港食過最好食嘅漢堡包！2. 芫茜手工和牛漢堡 $108 （99.9/100）我好鍾意食芫茜，呢個芫茜漢堡完全滿足到我，而且個醬汁同芫茜同埋個包超夾，超好食！3. 加錢叫咗薯條，炸得好夠脆，麻辣味濃郁，好好食！原來保家山即係burger 山，理念由長洲搶包山而嚟。