Crumbs (已結業)

個日同個朋友食完生日飯之後，仲想去食個糖水，諗諗下不如食雪糕,之後就去左crumbs買左兩杯雪糕食下。配料選擇都真係幾多，但係我自己次次食親乳酪都真係揀生果個D，因為我覺得生果先岩味,睇到花多眼亂之際,朋友就叫我揀藍莓，平時唔係成日食依D野,原來來甜甜酸酸既乳酪要配埋藍莓真幾好食，仲無咁有罪惡感,因為生果都真係幾健康既。我自己就第一次食crumbs既乳酪，感覺都似食緊軟雪糕咁，好鬼滑又帶D乳酪既酸味;由其是乳酪個種特別既味,其他野係搵唔到既,之前都食過另一間連鎖店既乳酪，個間就好似食冰咁，都特別不過唔似雪糕,乳酸味都夠,可以講係各有各好喇。依間既乳酪配埋新鮮既藍莓，味道真係好正，食少少就令人有幸福既感覺，雖然食太多點都會食肥,但有機會既下次都想試埋其他生果。