車站豆腐花

營業中

休息中

雖然大叔的愛都播完好耐，但相信好多人都會好似我咁趁週末過來大澳，去劇集中不同的取景地點打卡。在永安街牧牧和田田行街經過的益昌號海味店，行前就有一間豆腐花店，好啱我呢d行到咁上下，口渴又有點肚餓。舖頭只有簡單裝修，但環境都算整潔。我雖然是星期日黎，可能大約5點才來，比較晏，唔算多人，計埋我們只有三枱客。我和朋友都叫了兩碗熱的豆腐花。豆花好滑，滿滿的豆味，比起之前在深水埗食的老字號更好味。我和朋友對豆腐花都好滿意，所以再叫了陳皮魚蛋，魚蛋彈牙，陣陣陳皮味，十分足料。最後再加追了一支豆漿帶走。埋單加埋都五十幾蚊，價錢唔貴，環境唔差，食物ok，會推薦大家過黎試一下。